E fundit!

09:53 Aktualitet

Denoncimi: Qytetarët në radhë në Poliklinikën e Lushnjes

Deputeti i PD-së Saimir Korreshi ka denoncuar një tjetër p...

Gazetari tallet me Bashën/ Kur gjyshit nuk i ecte puna në bordello, nuk ndryshonte çarçafët po k*rvat

15 Janar 2020, 17:43, Politikë CNA

Gazetari Armir Shkurti është tallur me kreun e demokratëve Lulzim Bashën, teksa rikujton një barcoletën e vjetër të gjyshit, që “kur nuk i ecte puna në bordello, nuk ndryshonte çarçafët po k*rvat”.

Shkurti thotë se kjo barcoletë vlen për këtë karnavalin e zgjedhjeve dhe reformës zgjedhore edhe sot e kësaj dite.

Ai nuk e shikon problemin as te sistemi zgjedhor proporcional, as te proporcionali rajonal, as te ai kombëtar, pasi deklaron se sido ta trazosh qypin po ato karta do zeshë, se ato emra ka hedhur në qyp kryetari.

Sipas tij, partitë tona janë pronë private e kryetarëve, rrethuar nga ata që i quan truleshë ose horra dhe që pretendon se me sahanë në dorë e lugë në brez presin gjuhë jashtë t?i mbushin me gjellën e pushtetit.

?Është i njohur rasti i njërit nga këta me tas në dorë, të cilin kryetari e nisi në 2017 drejt KQZ me zarfin në dorë ku qenë emrat e kandidatëve për deputet.
– Po emri im është? – pyeti ky
– Po po! Brenda e ke! – iu përgjigj kryetari. E kur u hap zarfi e s’gjeti emrin e vet e kuptoi drejt ç’kish dashur shefi të thotë me “brenda e ke”
Natyrisht që “brenda e kemi” edhe ne sa kohë që partitë të jenë fund e krye pronë private e kryetarëve. Që kryetarët të jenë qartaz despotë fuqiplotë në vathën e tyre?, shkruan ai në rrjetet sociale.

Gazetari thotë se përveçse duhen ndërruar k*rvat e jo çarçafët, duke iu referuar kryetarëve, duhen shkundur nga themelet edhe ligjet e rregullat për partitë dhe zgjedhjet.

Shkurti kërkon të shtrëngohen me ligj partitë për të qenë demokratike, të detyrohen me ligj të bëjnë zgjedhje të ndershme në vetvete e pastaj, përsa u përket zgjedhjeve parlamentare të hapen mundësitë për garë zgjedhore edhe për më të vegjëlit.

Ai shton më tej se kjo ajkë politike me vetëm ca koka është rrezik për vendin e për kombin. Sipas tij, me një grusht njerëzish çdo i huaj e ka shumë më të lehtë pazarin sesa shumë figura.

?Na e vunë këtë qafore ëmbël – ëmbël, gjoja në emër të stabilitetit. E shkëmbyem lirinë e demokracinë me stabilitet. Në duam ta thellojmë “stabilitetin” nuk ka lodër më englendisëse se ky muhabeti i reformës zgjedhore. Shty e shty me takime, konferenca, llafe nëpër televizorë. Ama po deshëm lirinë e demokracinë, pa fshirë nga dheu i politikës antishqiptarët që e sundojnë, nuk bëhet! Ujku ujkun nuk e ha por e lëpin! Këta e çbënë Shqipërinë e ne nuk mund ta bëjmë si gomari që lutej ta bënte Zoti ëndërr kur i hante ujku tulet. S’gënjejmë dot veten me shpresën se këta që e shqyen edhe do ta qepin?, shkruan gazetari.

Shkurti pretendon se politikanët e prishën vetë sistemin zgjedhor, ndërsa thekson se kryetarët dhe askush tjetër përzgjodhën e përzgjedhin kandidatët për deputet e për bashki.

?Këta mor këta i vjedhin votat a i blejnë me thasë mielli! Këta ! Këta kanë rrahur e madje vrarë për pushtet. NGA KËTA PRET REFORMËN? Pret që ujku të bëhet pishman që hëngri gomarin e të reformohet duke u bërë vegjetarian? Mooos! Mos u bëj gomar!?, përfundon ai./ CNA.al