web counter
LEXO PA REKLAMA!

SHKARKO APP

App Store
Google Play

“Fatos Tushe i kishte borxh shumë të madh ish-shoferit”/ Klodiana Lala tregon arsyen e fortë pse e shkarkoi

9 Janar 2020, 22:01, Aktualitet CNA

?Kryetari i Bashkisë së Lushnjes, Fatos Tushe, i kishte borxh shumë të madh ish-shoferit Gëzim Saraçi?.

Kjo ishte deklarata e gazetares, Klodiana Lala, teksa zbuloi detaje nga atentati i mbetur në tentativë ndaj Tushes nga ish-shoferi. Lala tha se Saraçi ka qenë një ndër njerëzit më të besuar të kryebashkiakut, por pretendon se mes tyre ka konflikte të forta.

?Ish-shoferi ka qenë një ndër njerëzit më të besuar. Ai ka punuar si shoferi i tij deri në gjysmën e dytë të mandatit të dytë. Ka qenë ndër njerëzit më të besuar, sigurisht ka pasur konflikte të forta mes tyre. Së pari flitet për një borxh mes tyre, një borxh shumë të madh. Kryetari i bashkisë i kishte borxh shoferit. Në fakt ishte një shofer biznesmen që kishte një lokal, kishte një problem me alkoolin?, u shpreh gazetarja, e cila tregon se një ndër arsyet pse mendohet se Tushe e ka pushuar nga puna, është se ish-shoferi akuzohet për trafik droge, në Itali.

?Fatos Tushes i është kërkuar ta largojë se kishte dyshime se ishte i përfshirë në trafik në Itali. Ish-shoferi kishte qenë më herët në Itali. Ai është cilësuar si një ndër personat që ka qenë më pranë Fatos Tushes dhe një ndër personat që e ka financuar, nuk e di nëse është financim monetar, apo financim në mënyrë tjetër?, tha Lala në emisionin ?Opinion?, duke theksuar se mendon që Gëzim Saraçi nuk ka dashur ta vrasë socialistin, por vetëm ta ekspozojë.

?Minimalisht, zoti Tushe duhet të kishte dhënë dorëheqjen, se dëmtimin më të madh e ka marrë një zonjë (sekretarja e plagosur nga granata), e cila rrezikonte syrin për shkak të plagës që ka marrë në faqe. Unë mendoj se ajo është viktima e vërtetë?, deklaroi më tej gazetarja./ CNA.al





Lajmet e fundit nga