web counter
LEXO PA REKLAMA!

SHKARKO APP

App Store
Google Play

E fundit!

x

Bilanci tragjik/ Sander Lleshaj, ministri që mbledh viktimat

8 Janar 2020, 10:50, Kronika CNA

Në Nëntor të vitit 2018, Sandër Lleshaj u emërua në krye të Ministrisë së Brendshme.  Që nga koha kur është zgjedhur dhe deri më sot, Lleshaj, ka larë ?duart? me krimin.

Situata kriminale sa vjen dhe përshkallëzohet. I gjithë vendi është nën pushtetin e krimit. Konfirmimi vjen nga statistikat e vitit 2019 dhe fillim-Janarit të vitit 2020.

Lleshaj ka dështuar si Ministër i Brendshëm dhe nuk i ka mbetur gjë tjetër veçse të mbledhë viktimat, rrugëve, shesheve dhe qyteteve.

Ministri Lleshaj është rrethuar nga gjaku, tragjeditë dhe kufomat, ndërkaq nuk lëviz nga karrigia e Ministrisë së Brendshme.

Përgjatë vitit 2019, janë regjistruar 57 vrasje, 13 prej të cilave me dashje me 63 viktima dhe 10 të plagosur.

Ndërsa për vitin 2019, rezulton se janë regjistruar 12 vrasje më shumë se në vitin 2018-ën, i cili u mbyll me 45 vrasje. Në 2019-ën,  nga 57 vrasje, 14 kanë qenë krime në familje, 13 vrasje me dashje, 17 me paramendim, si dhe 13 vrasje të tjera të ndodhura në rrethana të tjera cilësuese.

Vrasje të tipit mafioz dhe makabër për 2020-ën

 Shtatë ditët e para të vitit 2010, Shqipëria është përgjakur dhe tronditur nga vrasje mafioze dhe aksidente.

Kujtojmë se me 6 janar 2020,  u vra biznesmeni Guxim Gjyriqi 47 vjeç në Tropojë.

Dje, me datë 7 Janar 2020, në Rrëshen u ekzekutua me snajper Kastriot Reçi 47 vjeç.  Po mbrëmjen e djeshm,  një 16-vjeçar në Mallakastër torturoi dhe mbyti në rezervuar nusen e xhaxhait.

Gjithsej, nëntë viktima janë shënuar në shtatë ditët e para të vitit 2020, prej të cilave 3 atetantate mafioze dhe 6 të vdekur nga aksidentet në vend.

Viti 2020, nisi me përgjakjen e rrugëve, ku me datë 2 janar, një 32-vjeçar përplasi për vdekje me makinë një grua që po lëvizte me biçikletë. Po pasditen e 2 janarit humbën jetën në një tjetër aksident dy persona të tjerë në Tiranë, pasi u përplasën nga një automjet në trotuar.

Si pasojë humbën jetën Erion Balla 36-vjeç dhe një grua e moshës 72-vjeçe, Hidajete Salliu.

Aksidentet më tej vazhdojnë me 3 janar, ku një  Ervis Josifi humbi jetën ndërsa po punonte në Korçë.

Dy ditë më vonë me 5 janar një i moshuar u përplas për vdekje nga një autobus në aksin Gjirokastër-Tepelenë.  Dhe dy ditë më parë një tjetër person ka mbetur viktimë e një aksidenti. Gramoz Zani humbi jetën pasi u përplas nga një makinë.

Një javë me nëntë viktima dhe dhjetra të plagosur është një kambanë alarmi për nivelin e kriminalitetit në një vit që sapo nisi./CNA.al





Lajmet e fundit nga