web counter
LEXO PA REKLAMA!

SHKARKO APP

App Store
Google Play

E fundit!

x

Dyshohet për përfshirje në ngjarje kriminale/ Arrestohet 43-vjeçari me pistoletë në brez

25 Dhjetor 2019, 08:17, Kronika CNA

Policia e Shkodrës ka parandaluar një ngjarje të mundshme kriminale, duke arrestuar një 43-vjeçar që qarkullonte me armë zjarri në brez, me fishek në fole gati për qitje.

?Në zbatim të detyrave të përcaktuara në planin e masave “Për krijimin e një ambienti sa më të sigurt për festat e fundvitit, parandalimin e ngjarjeve kriminale, kapjen e personave në kërkim dhe të atyre që qarkullojnë me armë zjarri? strukturat e Policisë së DVP Shkodër kanë shtuar prezencën e shërbimeve policore në territor duke ushtruar kontrolle të befasishme, bazuar këto edhe në informacionet e marra nga qytetarët.

Si rezultat i këtyre kontrolleve dhe informacioneve të marra në rrugë operative se një shtetas qarkullonte me armë zjarri në brez, në rrugën ?Isuf Sokoli?, të lagjes ?Kongresi i Përmetit?, të qytetit Shkodër, Forcat e Posaçme ?Shqiponjat? të DVP Shkodër, në orët e vona të mbrëmjes së djeshme kanë bërë të mundur lokalizimin, identifikimin dhe bllokimin e shtetasit të dyshuar, konkretisht:

E.K., 43 vjeç, lindur dhe banues në Shkodër?, njofton policia.

Gjatë kontrollit fzik, këtij personi iu gjet në brez një armë zjarri pistoletë, me një fishek në fole gati për qitje dhe 29 fishekë të tjerë të vendosur në dy krehra.

Blutë në bashkëpunim me Prokurorinë po punojnë për zbardhjen e plotë të kësaj ngjarjeje dhe qëllimin e qarkullimit me pistoletë me fishek në gojë, pasi policia bën me dije se nga të dhënat e marra në rrugë operative dyshohet për përfshirje në një ngjarje të mundshme kriminale.

Ndërkaq, materialet i kaluan Prokurorisë pranë Gjykatës së Shkallës së Parë Shkodër, në ngarkim të shtetasit E. K., për veprën penale “Armëmbajtja pa leje”./ CNA.al





Lajmet e fundit nga