E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gara për kreun e ILD-së/ KED miraton listën e kandidatëve

23 Dhjetor 2019, 16:23, Kronika CNA

Këshilli i Emërimeve në Drejtësi ka miratuar raportin për renditjen e kandidatëve për postin e Inspektorit të Lartë të Drejtësisë.

Ashtu edhe siç pritej, i pari është vendosur i përfoluri Artur Metani, aktualisht Avokat i Shtetit me 89.6 pikë.

Në vend të dytë u rendit Sokol Stojani me 89 pikë. Në vend të tretë u rendit , Joana Asimi Sorraj 82.2 pikë.

Në vend të katërt u rendit Eris Hysi me 78.3 me pikë, kurse në vend të pestë u rendit Lindita Troja me 63.4 pikë.

Njoftimi nga KED

Në zbatim të nenit 147/d pika 4 dhe nenit 149/d pika 1 të Kushtetutës, të nenit 199 pika 2, nenit 201 pika 2, nenit 239 dhe nenit 240 të ligjit nr.115/2016, si edhe të dispozitave të aktit nënligjor normativ Vendimi i Këshillit të Emërimeve në Drejtësi nr. 5 datë 02.04.2019 ? Për kriteret dhe procedurën e vlerësimit, pikëzimit dhe renditjes së kandidatëve për pozicionet vakante në Gjykatën Kushtetuese dhe të Inspektorit të Lartë të Drejtësisë?,

Këshilli i Emërimeve në Drejtësi, në mbledhjen e tij të datës 23.12.2019, sipas rendit të përcaktuar të ditës, vendosi:

Të miratojë listën përfundimtare të renditjes së kandidatëve të lejuar për Inspektor i Lartë i Drejtësisë, shpallur nga Këshilli i Emërimeve në Drejtësi në datën 01.03.2019 dhe rishpallur për plotësimin e kandidaturave në datën 09.09.2019.

Të miratojë raportin për renditjen e kandidatëve të lejuar për plotësimin e vendit vakant të Inspektorit të Lartë të Drejtësisë, shpallur nga Këshilli i Emërimeve në Drejtësi në datën 01.03.2019 dhe rishpallur për plotësimin e kandidaturave në datën 09.09.2019.

Lista do t?i dërgohet Kuvendit të Republikës së Shqipërisë, brenda tre ditëve, sipas parashikimeve të nenit 200 shkronja “ë” të ligjit nr. 115/2016.

Lista përfundimtare e renditjes:

1.Artur Metani 89.6 Pikë

2.Sokol Stojani 89 Pikë

3.Joana Asimi Sorraj 82.2 Pikë

4.Eris Hysi 78.3 Pikë

5.Lindita Troja 63.4 Pikë