web counter
LEXO PA REKLAMA!

SHKARKO APP

App Store
Google Play

E fundit!

x

Vijon “telenovela” Shullazi/ Shtyhet sërish seanca gjyqësore

23 Dhjetor 2019, 14:16, Kronika CNA

Është shtyrë sërish sot seanca gjyqësore në ngarkim të Emiljano Shullazit dhe 4 të pandehurve të tjerë, që tashmë po gjykohen në Gjykatën e Posaçme të Apelit kundër Korrupsionit dhe Krimit të Organizuar.

Shkak për këtë mësohet se është bërë mungesa e gjyqtarëve.

Sipas Report TV, në seancën e sotme, prokuroria përfaqësohej me dy prokurorët e SPAK-ut, Altin Dumani dhe Ened Nakuçi, ku ky i fundit ka ndjekur çështjen penale edhe gjatë zhvillimit të gjyqit në shkallën e parë.

Mirëpo për shkak të mungesës së gjyqtarëve, gjykata i është drejtuar me një kërkesë Këshillit të Lartë Gjyqësor, me qëllim komandimin e gjyqtarëve që do gjykojnë këtë dosje penale, ku Emiljano Shullazi, Gilmando Dani, Endrit Qyqja, Endrit Zela dhe Blerim Shullazi po gjykohen për akuzën e Shtrëngimit me anë të kanosjes për marrje pasurie kryer në formën e grupit të strukturuar kriminal në dëm të biznesmenit Ylvi Beqja.

Ndërsa për akuzën e ?Kultivimit të narkotikëve? dhe ?Mbajtjes të municioneve pa lejë?, po gjykohet Blerim Shullazi. Seanca e radhës për t’u zhvilluar është caktuar në datën 6 janar 2020 në orën 12:00. Ndërkohë, në nëntor të vitit 2018 Gjykata e Krimeve të Rënda shpalli fajtorë këta të pandehur, duke dënuar Emiljano Shullazin, me 14 vite burgim, Gilmando Dani u dënua 12 vjet burg, Endrit Qyqja dhe Endrit Zela me nga 10 vjet dhe Blerim Shullazi me 9 vjet burg.





Lajmet e fundit nga