web counter
LEXO PA REKLAMA!

SHKARKO APP

App Store
Google Play

Sulmonin gra të moshuara/ Në pranga dy hajdutët

17 Dhjetor 2019, 08:07, Kronika CNA

Dy persona nga Durrësi janë vënë në pranga nga uniformat blu, pasi kanë kryer vjedhje gjatë të cilave edhe kanë sulmuar gra të moshuara.

Shtetasit në fjalë ishin prej dy muajsh në kërkim nga autoritetet, T., 34 vjeç banues në fshatin Arapaj, Durrës dhe G., 35 vjeç, banues në Durrës.

Këta dy shtetas në mesditën e datës 10.12.2019 në lagjen Nr. 16, Durrës, në bashkëpunim me njëri-tjetrin, në hyrje të pallatit i kanë marrë me forcë një varëse floriri shtetases I. T., 68 vjeçe dhe janë larguar me automjet nga vendi i ngjarjes.

Autoritet bënë me dije se këta shtetas, në bashkëpunim me njëri-tjetrin gjatë dy muajve të fundit kanë realizuar disa vjedhje të varëseve në lagje të ndryshme të qytetit dhe konkretisht:

-Më datë 12.12.2019, në lagjen Nr. 5, Durrës, kanë vjedhur varësen e shtetases P. G., 64 vjeçe;
-Më datë 04.11.2019, në lagjen Nr. 12, Durrës, kanë vjedhur varësen e floririt të shtetases D. M., 66 vjeçe;
-Më datë 27.10.2019, në lagjen Nr. 13, Plazh, kanë vjedhur varësen e floririt shtetases F. T., 67 vjeçe;
-Më datë 23.10.2019, dyshohet se i kanë vjedhur varësen e floririt shtetases H. A., 68 vjeçe;
-Më datë 15.10.2019, në lagjen Nr. 12, Durrës, kanë vjedhur varësen e shtetases T. B., 71 vjeçe;
-Më datë 10.10.2019, në Rrashbull, kanë vjedhur varësen e floririt shtetases V. H.

Në cilësinë e provës materiale u sekuestrua automjeti tip ?Opel? që e përdornin për t?u larguar nga vendi i ngjarjes.

Materialet i kaluan Prokurorisë së Rrethit Gjyqësor Durrës, për veprime të mëtejshme./CNA.al





Lajmet e fundit nga