web counter
LEXO PA REKLAMA!

SHKARKO APP

App Store
Google Play

Koloneli izraelit qetëson qytetarët/ Mund të jetoja këtu bashkë me fëmijët

12 Dhjetor 2019, 09:38, Sociale CNA

Pas tërmetit tragjik të 26 nëntorit po vijon inspektimi i banesave të cilat kanë pësuar dëmtime.

Inspektimi po kryehet nga specialistë vendas por edhe të huaj.

Ndërkohë, Koloneli izraelit, Golan Vach, cili ishte sot në Durrës, në një objekt të dëmtuar nga tërmeti i 26 nëntorit tregoi sesi duhet izoluar dhe përforcuar muri i brendshëm i këtij apartamenti.

Koloneli izraelit, Golan Vach qetësoi qytetarëtm ndërsa theksoi se nuk ka asnjë problem në strukturë dhe se ai mund të jetonte në të bashkë me fëmijët e tij.

Në një prononcim për News 24, Golan Vach këshilloi qytetarët që të përdorin shkumë, për të mbyllur hapësirën mes tullave.

?Unë mund të vij të jetoj në këtë apartament bashkë me fëmijët e mi. Kur themi që apartamenti është i sigurt, është i sigurt. Kur themi që do riparohet, do riparohet. Kur themi që duhet hedhur në tokë, duhet hedhur në tokë.

Duhet të themi që këto kolona këtu janë pjesa më e rëndësishme e objektit, ndërtesa bazohet mbi kolona dhe trarë. Janë të plota, të padëmtuara, objekti është i qëndrueshëm, solid.

I kanë vendosur tullat gabim, në një pjesë të madhe të objekteve që kemi inspektuar. Qytetarët duhet të përdorin shkumën për të siguruar apartamentet e tyre. Kjo e bën tullën më stabël. Është e rëndësishme për të mbyllur hapësirën mes tullave, nëse ka?, tha koloneli./ CNA.al





Lajmet e fundit nga