web counter
LEXO PA REKLAMA!

SHKARKO APP

App Store
Google Play

Nga Ylli Manjani/ “Kurban”, të akuzosh dikë tjetër për ato që bën vetë…

11 Dhjetor 2019, 12:02, Opinione CNA

Scapegoat, dmth të akuzosh dikë tjetër për ato që bën vetë.

Në shqip fjala e përafërt është Kurban.

Psh, kur e akuzojnë se po fut në treg kompani ruse me lidhje të forta politike, “fajtor” del Lulzim Basha se medemek paska pranuar donacione Ruse.

Kapet me prova në Amerikë si kontribues i paligjshëm (gruaja e Bilalit) në fushatën elektorale të Obamës, por fajin e ka opozita që lidh kontrata lobbimi dhe madje paska fallsifikuar vulën e partisë. ??

Kur e akuzojnë se kanabizoi vendin, “fajtor” shpallet Berisha, opozita dhe Lazarati.

I thonë që ka shkërmoqur Kusjtetutën dhe Institucionet e shtetit, “fajtor” shpallet Ilir Meta.

Godet ashpër mendimin dhe fjalën e lirë, por “fajin” e ka gjithmonë ai që flet.

Kapet në flagrancë duke drejtuar operacionin e vjedhjes së votave, “fajtor” shpallet BILD në bashkëpunim me Basir Çollakun e ndonjë prokuror…

Kapet ngushtë kur i dalin pislleqet e drogës, por “fajin” e ka Sajmiri dhe Fatmiri.

Ministri i Brendshëm e çon në qeli me dorën e tij të vëllanë, por “fajin” e ka Salianji.

U kap gafil me tërmetet e vjeshtë-dimrit, por “fajin” e kanë mediat, facebook-sat dhe, sigurisht qentë.

Bie tërmet, por “fajin” e ka Ilir Meta.

Njerëzit i ankohen se u janë çarë muret, por “fajin” e ka madje edhe vetë Erioni që nuk e ka lyer shkallën vetë me dorën e tij.

I sulmon shumë ashpër prokurorët e gjykatësit i quan KÇK dhe bën dhe ligje për ti sunduar me policë, por prap “fajin” e ka Lulzim Basha.

Ka pa fund raste të tilla që tregojnë se si Kryeministri mbrohet duke sulmuar të tjerët. Sigmud Freud e pikasi këtë taktikë mbrojtje tek pacientët e tij…

Vetëm Ai ska faj! Duket e vështirë që ta marrë atë gisht, të cilin ua nxori njerëzve, tja vërë kokës së vet.

Kurbani është libri më famëkeq e më i palexuar që po përjeton vendi.





Lajmet e fundit nga