E fundit!

10:21 Aktualitet

PD bojkoton sërish seancën

Partia Demokratike ka bojkotuar edhe seancën e sotme në Pa...

Dëmtimet nga tërmeti/ Manjani: Shtëpitë mund të ndërtohen pa prekur buxhetin e shtetit

1 Dhjetor 2019, 20:24, Sociale CNA

Ish ministri i Drejtësisë, Ylli Manjani, ka reaguar lidhur me deklaratat e kryeministrit Rama, i cili me herët paralajmëroi të gjithë ndërtuesit e pallateve, të riparojnë vetë dëmet nga tërmeti, ose ndryshe i pret burgu.

Sipas Manjanit, ndërtuesit nuk duhet të futen në burg, por menjëherë tu faturohet detyrimi për të rindërtuar gjithçka nga fillimi. Por me standarte të kontrolluara tashmë.

Reagimi i plotë

Rindërtim?!
Plotësisht dakort, por të kujt?! Ende nuk ka një inventar të dëmeve. Nga ky inventar duhet të dalë tipologjia e banesave të dëmtuara.

Vetëm pas këtij inventari bëhet e mundur llogaritja e saktë e dëmit dhe përcaktohet fatura e rindërtimit. Sot është e kotë që flitet për shifra. Është sikur “ti biesh një vegle muzikore me vesh”- thoshte dikur Edi Rama.

Ndaj ato shifrat nga 200 e 500 e ku e di unë sa milionëshe janë spekulime të pastra, për aq kohë sa shteti ende nuk ka një invetar dëmesh.

Jam i bindur që rindërtimi bëhet, shpejt, sigurtë dhe në mënyrë të besueshme paskëtaj, nëse ruhet kuadri parimor dhe llogjik.

Unë i mbetem besnik parimit të PËRGJEGJËSISË. Sipas këtij parimi ndërtuesit nuk duhet të futen në burg, por menjëherë tu faturohet detyrimi për të rindërtuar gjithçka nga fillimi. Por me standarte të kontrolluara tashmë.

Kosto e shtetit në këtë rast është 0. Ka të drejtë gazetari Klodi Tomorri kur sugjeron që “ndërtuesve që ju kanë rënë pallatet, tu bllokohen asetet që tani”.

Dhe kështu ikën një kategori e dëmeve.

Kategoria e dytë janë ndërtime të kohës së komunizmit, për të cilat do të mjaftonin ndihmat financiare të grumbulluara tashmë. Edhe këto kosto është thuasje 0, sepse shteti mund të shpenzonte për një projekt dhe ndonjë ndërhyrje në infrastrukturë.

Kategoria e tretë janë ndërtimet pa leje. Shteti në këtë rast mund të nxisë ndihma, por mund të ofrojë thjesht kredi të buta për strehim. Vetëm kaq!

Të vetmet shpenzime që do ti duhen qeverisë ti programojë është hartimi i studimeve të reja urbane, projekteve dhe ndërhyrjeve infrastrukturore dhe ndoshta ndonjë shpronësim trojesh për efekt ndërtimi.

Kjo më duket formula më e drejtë dhe e shpejtë e me pak kontribut financiar nga të gjithë.

Është kaq e thjeshtë! Mjafton të ruhet llogjika dhe parimi që rindërtimin e bën shkaktari i dëmit.

Racionale fare. Pa asnjë ngarkesë as politike e as sociale.

Përndryshe varianti që hajt të vëmë shuma sipas qejfit, tja japim qeverisë që kjo ti tenderojë e të bëje atë që bën gjithmonë nuk e zgjidh, përkundrazi e thellon problemin.”/CNA.al