web counter
LEXO PA REKLAMA!

SHKARKO APP

App Store
Google Play

Inxhinieri, thirrje qytetarëve/ “Mos flini më në makina!”

1 Dhjetor 2019, 18:55, Sociale CNA

Zv.dekani i Fakultetit të Inxhinierisë së Ndërtimit, Agim Seranaj, i ftuar në rubrikën ?Opinion?, në News 24, iu bëri thirrje të gjithë qytetarëve të mos flenë më nëpër makina, sepse rreziku nga tërmetet ka kaluar tashmë.

Sipas tij, pasgoditjet për një tërmet me magnitudë 6.4 të shkallës Rihter janë normale, pasi pllakat tektonike duhet të stabilizojnë veten.

?Këto lëkundje që po shënohen njihen si paslëkundje dhe shoqërojnë çdo tërmet. Nëse tërmetet janë me magnitudë të ulët shoqërohen me pak pasgoditje, kurse një tërmet me magnitudë kaq të madhe sa i ai i Durrësit, ai është e pritshme të shoqërohet me tërmete pas tij edhe me madhësi jo të vogla.

Tërmeti zhvillohet kryesisht prej lëvizjeve të pllakave tektonike, që kërkojnë të çlirojnë energjinë e grumbulluar. Janë pllaka të mëdha që lëvizin dhe tani duan të zënë ripozicion. Ato tani pak nga pak po fillojnë të stabilizojnë veten, ndaj dhe janë këto lëkundjet. S?ka arsye që njerëzit të flenë në makinë.

Edhe në Durrës, nëse do ta mundin dot panikun, në shumë objekte që kam vizituar dhe që nuk ka shumë plasaritje, të telefonojnë edhe komshinjtë dhe të fillojnë të bëjnë qytetin të jetueshëm aty ku mundet, sepse ka shumë mundësi. Nëse ndodh një tërmet i madh, ai shoqërohet me më shumë pastërmete dhe me shtrirje më të madhe në kohë, sepse është nevoja për të çliruar energjinë. Shqipëria nuk do të ketë kurrë fatin e Japonisë?, tha inxhinieri./CNA.al

 





Lajmet e fundit nga