web counter
LEXO PA REKLAMA!

SHKARKO APP

App Store
Google Play

E fundit!

x

Rama paralajmëron mbledhjen e Komitetit Kombëtar të Rindërtimit/ Fondi prej 1 milion lekësh aktivizohet sot

1 Dhjetor 2019, 07:15, Sociale CNA

Gjatë mbledhjes së jashtëzakonshme me Këshillin e Ministrave, mëngjesin e sotëm, kryeministri Edi Rama ka theksur se është shumë e rëndësishme organizimi i punës pas situatës nga tërmetet.

Ndër të tjera kryeministri tha se reagimi i partnerëve pas situatës është tepër kurajues dhe se grupe ekspertësh dhe inspektorësh të huaj tashmë kanë mbërritur në Shqipëri.

Rama teksa kujtoi mbledhjen e sotme të Komitetit Kombëtar të Rindërtmit, paralajmëroi një konferencë informimi publike.

“Kemi grupe inspektorësh që kanë ardhur, grupe që po vijnë dhe është me shumë rëndësi të garantohet organizimi i plotë i punës. Këta ekspertë janë të përgatitur për këto situata. Unë i kam kërkuar të gjithëve dje dhe kemi filluar punë për të filluar sa më shpejt një konferencë informimi publike që të ekspozojnë fotografi, fakte nga puna e tyre me shpjegime teknike që njerëzit të dallojnë mes godinave të krisura dhe godinave të rrezikuara. Pamja e jashtme e godinave nuk është tregues i një situate të rrezikshme. Sot mblidhet Komiteti Kombëtar i Rindërtimit’, tha Rama.

Gjithashtu kreu i qeverisë njoftoi se sot aktivizohet fondi prej 1 milion lekësh, për çdo familje të prekur nga tërmeti ndërsa fëmijët dhe pensionistët në familjet e viktimave do të marrin shpërblimin e përcaktuar bursë dhe pension të veçantë, edhe për muajin nëntor./CNA.al





Lajmet e fundit nga