E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

"E keqja ka kaluar"/ Inxhinierja Luljeta Bozdo tregon 'fajtorët': Është ndërtuar në zona të ndaluara

29 Nëntor 2019, 20:23, Sociale CNA

Inxhinierja e ndërtimit, profesoresha Luljeta Bozo, duke komentuar dëmet e lëna pas nga tërmeti në zonën e Plazhit në Durrës, është shprehur se në këtë zonë ishin të rreptësisht të ndaluara ndërtimet para viteve ?90. Ndërsa, përsa iu përket pallateve në Thumanë, ajo shprehet se janë ndërtuar me kontribut vullnetar.

?Në zonën e Plazhit ka qenë në mënyrë kategorike rreptësisht e ndaluar që të ndërtohej para viteve ?90, ndërsa pallatet në Thumanë janë ndërtuar para viteve ?90 me kontribut vullnetar?

Sipas Bozdos, dëmet nuk do të ishin kaq të mëdha nëse do të zbatoheshin kushtet teknike të ndërtimit.

Ndërsa shprehet se nuk duhej të lejoheshin ndërtime në zonat e ndaluara, Bozdo thekson se pas dëmit duhet pasur shumë kujdes në vlerësimin e dëmeve dhe situatës.

?Ne bejmë ndërtime pa bërë studime sizmike. Pa bërë studim të thelluar gjeologjik. Pa bërë gjeologji fare ti ngre ndërtesën. Si e ngre ti ndërtesën pa e ditur se çfarë shtrihet poshtë sipërfaqes së tokës!

Pa marrë në konsideratë kush do e bëjë ndërtimin. Para 90-ës i bënin vetëm institutet e ndërtimit që ishin më të mirët. Sot kush po bën projekte. Të gjithë bëjën projekte. Që të bëje projekte më parë duhet të kalojë në 500 filtra.

Tani nuk ka as flitra. Don të shikosh dëmtimet, që u ça një kolonë, u ça një tra, një murë. Ku është projekti! Ti do të shikosh njëherë projektin. A është bërë projekti i saktë njëherë se dëmtimi ka shumë shkaqe. Ti duhet të gjesh shkakun njëherë se ndryshe rrezikon të bësh të njejtin gabim.

Duhet të jetë një qendër si ka qenë më mërpara, Arkivi Qendror i Ndërtimit ku depozitoheshin të gjitha projektet e objekteve që bëheshin në Shqipëri. Edhe sot nëse shkoni i gjeni të gjitha projektet e para 90-tës.

Kishte shumë rregull në ndërtim. Ndërtimi ishte fusha më e disiplinuar, me rregulla, me kushte teknike projektimi, zbatimi dhe të marrjes në zbatim të projektit.

Sot njerëzit futen në shtëpi që nuk është kolauduar. Si futesh ti pa patur një siguri që kjo shtëpi është në rregull nga të gjitha pikpamjet. Por që të bëhet ky kolaudimi duhet të kesh projektin. Si është zbatuar, duhet të shikosh çfarë cilësie kanë qenë materialet që janë përdorur. Sepse ndodh që cilësin e materialit e vendos ndërtuesi, jo inxhinieri për të kursyer?, ka deklaruar Bozdo./CNA.al