web counter
LEXO PA REKLAMA!

SHKARKO APP

App Store
Google Play

Kërkoi lirinë nga arratia/ Apeli rrëzon ankimimin e Agim Kajmakut

21 Nëntor 2019, 11:56, Kronika CNA

Gjykata e Apelit në Tiranë ka lënë në fuqi masën e sigurisë “arrest me burg” për ish-kryebashkiakun e Vorës, Agim Kajmaku.

Vendimi është marrë sot nga Gjykata e Apelit e cila shqyrtoi kërkesën e Agim Kajmakut i cili apeloi vendimin e shkallës së parë të gjyqësorit.
Kujtojmë se më 12 nëntor Gjykata e Tiranës vendosi arrest në burg në mungesë për Kajmakun.

Ndërkohë Ish-kryetari i Bashkisë së Vorës apeloi vendimin e Gjykatës së Tiranës teksa ndodhej në arrati.
Agim Kajmaku u shkarkua nga KQZ më 1 nëntor pasi shkeli ligjin e dekriminalizimit duke mos deklaruar një dënim në Greqi.

Kajmaku u akuzua fillimisht nga opozita se kishte qenë i ndaluar në Greqi, në Janar të vitit 2003 nën emrin Jorgo Toto.
Prokuroria e Përgjithshme njoftoi se ?Zyra Qendrore e Kombëtare e INTERPOL Tiranës, me shkresën Nr. 10709/6, datë 24/09/2019; ka sqaruar se nga informacioni i marrë nga zyra homologe INTERPOL Athinë rezulton se nga krahasimi i gjurmëve të gishtërinjve të shtetasit Agim Kajmaku, me gjurmët e gishtërinjve që ndodhen në databazen e të dhënave kriminale në Greqi ka përputhshmëri të plotë me ato të shtetasit Jorgo Toto./CNA.al





Lajmet e fundit nga