web counter
LEXO PA REKLAMA!

SHKARKO APP

App Store
Google Play

"Situata anormale..."/ Deputetja e PS pranon ngërçin: Ja si do veprojmë për zgjedhjet e parakohshme

19 Nëntor 2019, 17:27, Politikë CNA

?Zgjedhjet e parakohshme nuk janë rruga e duhur për tejkalimin e ngërçit politik?, kjo është ajo çka konstatojnë me fjalë të tjera socialistët, ndërkohë që opozita i kërkon me ngulm ato si një ogur i mirëfunksionimit të demokracisë.

E ftuar pasditen e sotme në Ora News, deputetja socialiste, Elona Gjebrea, teksa akuzon opozitën për situatën jo normale politike në të cilën ndodhet vendi, shton se nuk është koha për zgjedhje të parakohshme pasi qeveria dhe parlamenti janë duke vazhduar punën.

?Ne nuk mendojmë që Shqipëria duhet të ketë zgjedhje të parakohshme. Ne jemi duke vazhduar punën. Sigurisht është një situatë anormale edhe një situatë e pa ndodhur më parë. Për fatin tonë të keq e ndodhur jo nga ana e mazhorancës por nga ana e opozitës. Fakti që ne kemi tashmë opozitë brenda parlamentit na mundëson që të kemi një parlament që po përpiqet të bëjë të gjitha detyrat ashtu siç duhet?, ka thënë ndër të tjera Gjebrea.

E pyetur në lidhje me Reformën Zgjedhore, Gjebrea ka deklaruar se kjo do të jetë një mundësi për të arritur në një konsensus me opozitën.

“Reforma zgjedhore është një mundësi për konsensus për opozitën. Shpresojmë që ato të reagojnë. Nga aq sa kemi dëgjuar ata kanë një draft që duan ta paraqesin dhe shpresojmë që të kemi vërtet një klimë dialogu dhe bashkëpunimi, aq më tepër në situatën ku ndodhet vendi duhet të kemi këto modele bashkëpunimi dhe ky mund të jetë një rast” është shprehur deputetja./CNA.al





Lajmet e fundit nga