“S’ka vepër penale”/ Avokati Vishaj hedh poshtë kallëzimin e Metës: Ja arsyeja pse s'mund të regjistrohet procedimi

19 Nëntor 2019, 16:44, Politikë CNA

Avokati Saimir Vishaj ka reaguar pak pas firmosjes së kallëzimit penal nga presidenti Ilir Meta për kreun e KED Ardian Dvoranin.

Në një lidhje telefonike për ?Opinion?, Vishaj ka sqaruar se kallëzimi penal për Dovranin nuk mund të regjistrohet pasi nuk bëhet fjalë për një vepër penale apo veprime të ndërmarra nga një individ, por nga një institucion kolegjial, siç është KED.

?Nuk ka rëndësi iniciativa që presidenti i Republikës ushtron të drejtën e një kallëzimi. Ashtu siç një institucion apo person, në momentin kur merr vesh një shkelje ka të drejtë që të bëjë kallëzim. Prokuroria është jo kompetente për të regjistruar një kallëzim të tillë. Në momentin që një institucion i drejtohet me kallëzim një prokurorie, duhet të shohim pse. Shpërdorimi i detyrës kërkon një dëm për pasoja shtetërore. Jemi përpara një akti administrativ që mund të kërkojë interpretim në Gjykatën Kushtetuese. Askush nuk mund të mbajë përgjegjësi për votën kolegjiale, për shpërdorim detyre nëse nuk është individual. Në rastin e KED s?kemi të bëjmë me një individ por me 6-7 anëtarë që kanë vepruar. Për mendimin tim nuk do regjistrohet kallëzimi penal sepse nuk kemi të bëjmë me vepër penale por me një akt administrativ. Kërkon interpretim.Nuk mund ta drejtosh në tre prokurori. Dhe vetë janë të paqartë, tek cila prokurori.

Prokuroria e Përgjithshme në rastin konkret ka një rol administrativ, nuk mund të ushtrojë ndjekje penale. Kemi ndryshime të reja me kodin e procedurës penale?, është shprehur Vishaj.

Kujtojmë se, pak orë më parë presidenti Ilir Meta firmosi shkresat për një kallëzim penal ndaj kreut të KED, Ardian Dvorani, të cilin e akuzon për shpërdorim detyre.

Kallëzimi do të depozitohet në Prokurorinë e Përgjithshme, Prokurorinë pranë Gjykatës së Shkallës së Parë për Krimet e Rënda dhe Prokurorinë e Rrethit Gjyqësor Tiranë.

I pyetur se nëse do të tërhiqej nga padia për kreun e KED-së, kreu i lartë i shtetit në një dalje publike mbrëmjen e djeshme ka ritheksuar edhe njëherë se nuk bën shaka me Kushtetutën dhe se Dvorani do të bëhet shembull që të gjithë të kuptojnë efektet e Reformës në Drejtësi./CNA.al