web counter
LEXO PA REKLAMA!

SHKARKO APP

App Store
Google Play

Zgjedhja e delegatëve të PS/ Balla: Shumicë qeverisëse edhe në qershor 2021

16 Nëntor 2019, 20:47, Politikë CNA

Sekratari i Përgjithshëm i Partisë Socialiste, Taulant Balla, ka reaguar pas mbylljes së procesit të zgjedhor  për përzgjedhjen e 706 delegatëve të Kongresit të PS, që pritet të mbahet në fillim të vitit 2020.

Përmes një deklarate për shtyp, Balla do të cilësonte procesin si një tregues të qartë të funksionimit të demokracisë brenda PS, ndërsa shprehet: ?Përmbyllëm fazën e parë të kalendarit tonë të brendshëm të procesit zgjedhor të nivelit të parë të  strukturës sonë organizative. Në 363 vendvotimet nuk është regjistruar asnjë problematikë. Procesi i sotëm zgjedhor dëshmoi qartë se PS është një shkollë e funksionimit demokratik.?

Ndër të tjera, numri 2 i PS, ka folur edhe në lidhje me dy risitë që solli ky proces zgjedhor, votimi elektronik dhe ai online.

?Dy risitë e procesit ishin testimi për herë të parë i votimit elektronik në njësinë numër 8 të Tiranës. PS tregoi që nuk është vetëm partia më e madhe dhe më e organizuar, por edhe partia më moderne në vend. Barazia gjinore ishte risia më e madhe e këtij procesi.47% e kandidatëve për delegatë ishin gra dhe vajza?, është shprehur Balla.

?Procesi është i një rëndësie  të veçantë për ecurinë e partisë gjatë gjysmës së dytë të mandatit?, është shprehur  Sekretari i Përgjithshëm i PS-së, ndërsa thekson se ndër 706 delegatët e zgjedhur 353 janë gra dhe vajza dhe 353 burra dhe djem.

?Gjithë procesi i këtyre zgjedhjeve në parti ka një rëndësi të veçantë për ecurinë e kësaj gjysme të dytë të këtij mandati të dytë për betejën për rinovimin e mandatit tonë qeverisës, atë të socialistëve dhe progresistëve si shumicë qeverisëse edhe në qershor të 2021″.

?Asnjë forcë tjetër përveç  PS nuk mund të sillte transformimin epokal qoftë në qeverinë qëndrore, qoftë në nivelin vendor?, ka përfunduar Balla, teksa bën një falenderim të veçantë i ka rezervuar kreut të partisë, Edi Rama: ?Është padyshim momenti për ti thënë shumë faleminderit udhëheqësit tonë Edi Rama?./CNA.al





Lajmet e fundit nga