web counter
LEXO PA REKLAMA!

SHKARKO APP

App Store
Google Play

PS zgjedh delegatët e Kongresit/ Zbulohet risia e këtij procesi

16 Nëntor 2019, 16:06, Politikë CNA

Sekretari për Marrëdhëniet me Mediat në PS, Alfred Peza, gjatë një deklarate  për shtyp pasditen e sotme ka folur për votimet e mbajtura në Partinë Socialiste  dhe përzgjedhjen e delegatëve të Kongresit të kësaj partie.

“Nuk ka pasur asnjë njoftim për ndonjë incident. Procesi ka shkuar në mënyrë të qetë dhe të gjithë socialistët i janë drejtuar kutive të votimit për të zgjedhur delegatët. Ka pasur një pjesëmarrje masive të grave dhe vajzave në votime. Pas disa orësh do të dalin rezultatet dhe në orët e mbrëmjes do të kemi rezultatin përfundimtar zyrtar. Qendrat e votimit do qëndrojnë të hapura edhe pas orës 16 që edhe anëtari më i fundit të ushtrojë të drejtën e tij për të zgjedhur”,është shprehur Peza.

Ndërsa thekson rëndësinë e këtyre zgjedhjeve për sistemin demokratik në vend, Peza tregon risinë që socialistët sollën gjatë këtij procesi, votimi elektronik dhe ai online.

?Sot ishte një ditë e rëndësishme për sistemin demokratik në vend. U testua për herë ta parë votimi elektronik dhe ai online. Nëse ka anëtarë që nuk kanë votuar ende, do të ketë mundësinë që të votojnë edhe pas orarit zyrtar?, tha Peza.

Sekretari për Marrëdhëniet me Mediat në PS, ndër të tjera ka shtuar se 47 për qind e kandidatëve për delegatë janë gra e vajza. Ndërkaq, pritet që rezultati i zgjedhjeve të publikohet mbrëmjen e sotme./CNA.al





Lajmet e fundit nga