E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

PD tjetër skandal me lobimet/ Media amerikane zbulon goditjen kundër të nominuarës për ambasadore të SHBA

14 Nëntor 2019, 20:23, Politikë CNA

Pas akuzave për falsifikim të dokumenteve të pagesave të një lobimi të fshehtë rus me vlerë 675 mijë dollarë, Partisë Demokratike i është shtuar një tjetër skandal me çështjen e lobimeve.

Mediat amerikane bëjnë me dije se Partia Demokratike është përfshirë në një operacion lobimi kundra të nominuarës së presidentit Trump për ambasadore në Shqipëri, Kathleen Kavalec.

Lajmi bëhet i ditur nga një media e njohur online, Daily Beast,gjatë një shkrimi dedikuar diskreditimit të diplomatëve amerikanë. (Lexo këtu)

?Qeveri të huaja po përdorin një strategji të reja për të anashkaluar zyrtarë amerikan të cilët nuk i pëlqejnë, duke lëshuar baltë mbi ta dhe portretizuar si armiq të presidentit Trump?, shkruan Daily Beast, teksa shton se përmes kësaj strategjie ia dolën të sabotojnë të nominuarën e SHBA për ambasadore në Shqipëri.

E ndërsa, Shtëpia e Bardhë dhe Departamenti Amerikan i Shtetit e kaluan në vetting pa asnjë problem zonjën Kathleen Kavalec dhe morën aprovimin e qeverisë shqiptare, ajo pak përpara shkuarjes në Senat i telefonoi kreut të Komitetit për Politikën e Jashtme, senatorit Ron Johnson.

Media amerikane bën me dije se Kavalec dhe kolegët e saj në DASH nuk kanë qenë në dijeni për pagesën nga stafi senatorit Ron Johnson të një lobisti nga Partia Demokratike.

?Komopania lobuese e PR, Sonoran Policy Group përmes drejtorit ekzekutiv Christian Bourge kontaktoi këshilltarin kryesor të senatorit Ron Johnson ku krahas çështjeve si korrupsioni/siguria dhe narkotrafiku, u fol edhe për të nominuarën Kavalec?, shkruan Daily Beast, ndërsa shton se për këtë çështje ka reaguar edhe ish këshilltarja e presidentit Trump për sigurinë, Fiona Hill, e cila ka akuzuar PD-në si fajtoren kryesore për largimin e Kavalec.

Ndër të tjera Hill do të deklaronte se: ?Unë besoj se ishte një ishte një goditje që erdhi ndaj Kavalec nga demokratët shqiptarë. PD mori informacionin se e nominuara për ambasadore kishte folur me Chris Steele. Këtë e përdorën ta shkatërromin atë dhe kandidatura e saj të tërhiqej nga Departamenti Amerikan i Shtetit. Ky është një shëmbull se si dikush u trajtua në mënyrë poshtëruese?.

Daily Beast, nuk jep detaje të qarta për atë se çfarë kanë thënë saktësisht lobistët e PD në komunikimet e tyre në Senat për Kavalet, megjithatë bazuar në burimet e saj shprehet e vendosur se këta të fundit kanë bërë konspiracione mes DASH dhe Shtëpisë së Bardhë./CNA.al