web counter
LEXO PA REKLAMA!

SHKARKO APP

App Store
Google Play

E fundit!

x

Vorpsi në kushtetuese/ Këshilltari i Metës akuza Kuvendit

14 Nëntor 2019, 15:40, Politikë CNA

Këshilltari Ligjor i Presidentit, Bledar Dervishi, ka komentuar lëvizjet e fundit të ndërmarra nga Meta për dekretimin e anëtarëve të Gjykatës Kushtetuese si dhe ftesën për betim drejtuar Toskës, Papajorxhit dhe Xhafellarit.

Në një interëvistë për emisionin ?Top Talk?, i pyetur për kandidaturën e Vorpsit dhe lëvizjen e saj me noterizimin e deklaratës tek noteri, në vend të dekretimit të saj nga Presidenti, Dervishi është shprehur se kjo nuk është metoda e duhur.

Megjithatë nuk kanë munguar as akuzat ndaj Kuvendit. Për këshilltarin ligjor të Metës, e drejta për tu zgjedhur e Arta Vorpsit është mohuar nga Kuvendi, për arsye te caktuara, që në momentin që ajo nuk u bë pjesë e listës së kadidatëve që do të zgjidheshin për të plotësuar dy vakancat nga ky institucion.

Pjesë nga biseda:

Disa anëtar të zgjedhur për kushtetuesen… A është legjitim procesi?

Dervishi: Kemi vetëm 4 anëtarë të zgjedhur sipas kushtetueses Besnik Muçi, Elsa Toska, Fjona Papajorxhi dhe Marsida Xhaferllari.

Po përsa i përket zonjës Vorpsi dhe noterizimit të deklaratës?

Dervishi: Një deklaratë personale e hartuar vetë dhe e nënshkruar para noterit, unë nuk mendoj se Kushtetuta ka përcaktuar këto ligje dhe rregulla për tu bërë anëtar i kushtetueses.

Unë nuk dua të merrem me kandidaturën e Vorpsit, sepse ajo nuk është anëtare e zgjedhur apo e vetëzgjedhur e Gjykatës Kushtetuese. Deklarata të tilla të firmosura për anëtarësim në kushtetuese nuk më duken të duhurat.

Vorpsi ka një të drejtë që i është mohuar nga Kuvendi i Shqipërisë. Mospërfshirja në zgjedhje.

Asaj i është mohuar një e drejtë për ato dy vende vakante që kishte të shpallura Kuvendi. Nuk kam informacion nëse kjo gjë është bërë në mënyrë të qëllimshme apo jo./CNA.al





Lajmet e fundit nga