web counter
LEXO PA REKLAMA!

SHKARKO APP

App Store
Google Play

“Mos mendoni se janë ujë i kulluar”/ Lubonja akuza të forta ndërkombëtarëve

11 Nëntor 2019, 16:50, Politikë CNA

Analisti Fatos Lubonja e ka konsideruar votimin e sotëm në Kuvend të dy anëtareve të Gjykatës Kushtetuese, Elsa Toska dhe Fiona Papajorgji, si një shkelje haptazi të ligjit.

Sipas Lubonjës, këtu po bëhen ligje për të shkelur ligjin, ndërsa u shpreh se jemi drejt një diktature dhe arrogance ekstreme.

Duke folur më tej, Lubonja ka hedhur akuza dhe ndaj ndërkombtarëve, ndërsa tha se aprovimi i shkeljes së kushtetutës në këtë rast është një turp dhe skandal për BE dhe Ambasadën Amerikane.

?Mesa pash unë dy të zgjedhurat nuk kanë marrë as pikët e duhura për shkollën e magjistraturës. Jemi qartazi në shkelje të ligjit me zgjedhjen e dyfishtë që bëri për antarët e kushtetutës.

Këtu ligjet shkelen në mënyrë të hapur. Bëhen ligje për të shkelur ligjin. Dhe ky është hapi ndaj diktaturës dhe arrogancës ekstreme.

Nuk duhet ti marrim ndërkombëtarët  si ujë i kulluar. Të aprovojnë shkelje të kushtetutës është një skandal për ndërkombëtarët. Është turp për BE dhe Ambasadën Amerikane.

Këta e dinë shumë mirë se cfarë bëhet në Shqipëri, por kanë interesat e tyre.

Janë derdhur 200 milion euro për Reformën në Drejtësi. Janë të interesuar të mbajën këtë narrativë, dhe kjo është loja. Mos harroni që histori të tilla kanë plot dhe amerikanët. E bëjnë për propagandë.

Është e njejta histori me ambasadorin Lu, kur e nxirrte Rama në konferencë, është rritur lufta ndaj kanabisit, këtë po bëjnë dhe sot?, ka theksuar Luboja në një lidhje për ?Opinion? në News 24./CNA.al





Lajmet e fundit nga