Basha braktisi protestat/ Rama e shpërblen me mbylljen e hetimeve për dosjen e pastrimit të parave

9 Nëntor 2019, 10:41, Politikë CNA

Dje, Prokuroria e Tiranës, njoftoi se pas disa kohësh hetime intensive kishte mbyllur dosjen në lidhje me Lulzim Bashën, kren e Republikës së re, i cili fillimisht akuzohej për një vepër shumë të rëndë penale, siç është ajo e pastrimit të parave dhe më pas e gjithë kjo akuzë përfundoi në ?falsifikimin e vulës apo firmës së tij?.

E gjithë çështja e zbardhur me detaje nga gazetarët konsistonte tek fakti se kishte filluar si një ?bombë? e madhe e heshur nga mediat amerikane, ku ishin përfshirë lobistë dhe kompani ruse offshore. Por, këto u mohuan dje. Lulzim Basha doli si një ?skifter? dhe tha se të gjitha ishin gënjeshtra. Ishin sajesa, që i kishte bërë Rilindja, apo prokurorët e kapur të Rilindjes, të cilët edhe pse sipas tij ishin vegla të qeverisë, nuk kishin mundur ta vërtetonin këtë akuzë.

Në fakt në dosje ka pasur mjaft probleme dhe asnjëherë, në asnjë rast siç e kanë treguar edhe shumë gazetarë, nuk është hetuar burimi i të paktën 675 mijë dollarëve të financimit të bërë si lobim në SHBA. Por, vetëm disa proçesverbale dhe tabela financiare të dorëzuara në KQZ. Veprime të cilat ishin konstatuar nga ky institucion dhe PD ishte gjobitur.

Por, çfarë ka ndodhur në të vërtetë dhe pse jemi në këtë situatë?

Hetimet janë mbyllur jo pa qëllim. Dhe këtë na e tregojnë faktet dhe detajet që ne mund të mbledhim në zhvillimet politike të një periudhe 12-mujore.

Po të kujtojmë këtu në dhjetor të vitit të shkuar, Lulzim Bashan ë një dalje për mediat në emisionin ?Opinion? të Blendi Fevziut se nuk do t?i digjte mandatet e deputetëve edhe pse e kërkonin një pjesë e deputetëve të opozitës në atë kohë, të cilët ishin në bojkot dhe pas disa ditësh iu mbaronte mandate.

Me ?bisht ndër shalë? , Luli u rikthye në parlament dhe justifikimin e tha se nëse digjte mandatet dhe vazhdonte rrugën e bojkotit, do të kishte probleme me Trump dhe Merkel.

Por, çfarë ndodhi.

Menjëherë filluan dhe u thelluan hetimet në prokurori për disa fletë-porosi të drejtuara FBI-së në SHBA, në lidhje me Nick Muzin, lobistin e marrë nga ky institucion nën hetim për financime ruse apo për faktin se kishte deklaruar dy herë tek Departamenti i Drejtësisë së SHBA-ve në lidhje me lobimet e Lulzim Bashës.

Sapo doli ky njoftim në fund të janarit, në muajin shkurt Lulzim Basha dogji mandatet. Menjëherë rrëmbeu ?benzinën? dhe filloi betejën e tij kundër Edi Ramës duke thënë se do të digjte Shqipërinë dhe zgjedhje nuk do të kishte. Se ai kërkonte zgjedhje të lira e të ndershme.

Nxori një dosje të vjetër, të cilën ai e mbante të fshehur në zyrë. Më pas pagoi edhe media të huaja. Por, në finale dorëzoi 61 bashki në tavolinë, ku Edi Rama me gjithë autogolat e tij të personave me precedent penalë në Shkodër, Vorë apo gjetkë, vazhdon të ketë nën kontroll shumicën e tyre.

Dhe jemi sot në nëntor, të po këtij viti, ku pati shumë e shumë protesta. Më pas zgjedhje të qeta dhe nga shtatori e në vazhdim një gjyhë diplomatike që flitet vetëm për Reformën Zgjedhore. Një bisedë e kthyer jo pak, por pesë vite pas.

Jemi pesë vite pas në kthim nga Lulzim Basha dhe një dosje që është mbyllur.

Edi Rama, ashtu siç pranon Luli, ka kontrollin e institucioneve, të prokurorisë dhe mjafton një urdhër i tij, kjo e thënë dhe e akuzuar nga vetë Luli. Dje ndoshta urdhëri ka dalë. Si shpërblim për qetësinë e Lulit.

Nga ana tjetër, Basha ka braktisur të gjitha protestat e po e lë të qetë në qeverisjen e tij. Dhe shpërblimin po e merr nga kryeministri.

Mbyllja e hetimeve ishte ajo që iu ofrua dje si ?qershia mbi tortën? e Lulit./ CNA.al

Loja me hetimet ndaj BashÃ«s/ A do ta nxjerrin prokurorÃ«t Lulin tÃ« pafajshÃ«m?

Prokurori i batakut tÃ« lobimit rus/ Si u pÃ«rfshi Ervin Karanxha nÃ« skandal

Thellohet skandali me lobimet/ Mediat europiane: Basha kundÃ«r integrimit tÃ« ShqipÃ«risÃ«

MEGA-SKANDALI dhe dokumenti/ Lulzim Basha pagoi 950 mijÃ« usd nga kompania Ruse offshore, prokuroria uli shifrÃ«n