Akuza për falsifikim, taktikë e Prokurorisë për të mbyllur çështjen Basha

8 Nëntor 2019, 18:21, Politikë CNA

Sot pasdite është bërë publike dokumentacioni i çuar nga prokurorët e Tiranës drejt Gjykatës për gjykimin e Lulzim Bashës. Në të njëjtin dokument, ndërkohë që faqen e parë akuzohej për pastrim parash dhe falsifikim, në fund vetëm dy prokurorë kanë firmosur për ta çuar Lulin vetëm për një çështje penale, atë të falsifikimit të vulave.

Në një lexim të thjesht kupton se Prokuroria në njoftim na thotë edhe pastrim parash, edhe në vendimin e përfundimit të hetimit merr vetëm falsifikimin. Pra Prokuroria në këtë rast po mashtron publikisht.

Pra, prokurorët e kësaj çështje kanë një hall të madh. Ose janë kapur dhe paguar financiarisht, ose kanë manipuluar prova, ose nuk po kryejnë detyrën dhe hetimet ashtu siç duhet duke tentuar që në një mënyrë abusive dhe korruptive të shpëtojnë kreun e Republikës së Re, Lulzim Basha.

Lulzim Basha ka bërë hapur pastrim parash, duke keqpërdorur vulën e PD-së. Nuk ka falsifikuar asgjë. Ai nuk është i rëndomtë si kriminel.

Për të gjithë ata që nuk lexojnë dot, që dërgimi në gjyq është vetëm për falsifikime, domethënë për të vetmen vepër penale të cilën Lulzim Basha nuk e ka bërë.

Pra, Lulin duan ta akuzojnë për diçka që nuk e ka kryer vetëm për të mbyllur çështjen.

Basha ka pastruar para duke përdorur vulën e PD-së, nuk ka falsifikuar firmën e dikujt, as formularin e dikujt, as vulën e Partisë Demokratike.

Ai ka përdorur vulën e vërtetë të Partisë Demokratike. Ka përdorur firmën e vërtetë, firmën e tij sepse është kryetar i PD-së.

Nuk është falsifikim të përdorësh vulën e PD-së. Nuk është falsifikim të firmos si kryetar i PD-së, është një mashtrim, është një shpërdorim detyre, është një vjedhje dhe një abuzim detyre. Është gjithçka tjetër, por kurrsesi nuk mund të jetë një falsifikim përdorimi i vulës dhe firmës, i institucionit apo autoritetit që t?i ushtron.

Pra akuza e bërë ndaj Lulzim Bashës është kaq banale dhe qesharake sa që askush nuk do ta besonte dot.

Prokurorët flasin për vulën e PD-së kur vula është e Lulit, por ende nuk sqaron askush se cili është burimi i 500 mijë dollarëve minimalisht të paguara nga PD-ja, pranuar publikisht kjo nga Lulzim Basha. Kush i pagoi paratë në ?Biniata Trade? dhe në kompanitë e tjera offshore ruse që i dhanë për lobimet e Lulzim Bashës dhe Republikës së Re në SHBA.

Kush është financuesi dhe burimi i këtyre parave? Kjo është pyetja që kërkon zgjidhje nga prokurorët. Kjo është pyetja 1 milion dollarëshe. Nuk është asgjë tjetër më shumë sesa kaq. Nuk ka rëndësi vula sepse vula është e Partisë Demokratike, është e Lulzim Bashës. E rëndësishme është se ku i gjeti paratë për të paguar lobimet në SHBA? Cili është burimi i tyre?

Prokurorët nuk mund ta pushojnë çështjen e parave sepse minimalisht duhet gjetur burimi i tyre. Atë ata nuk e gjejnë dot, çka do të thotë se ato janë para të pista.

Minimalisht ata duhet të thonë në vendimin e tyre se burimi i parave është i qartë, ose është i pavërtet, ose nuk ka ndodhur. Mirëpo, Lulzim Basha e ka thënë publikisht në ?Opinion?, se janë paguar ato para.

Tani si qëndron e vërteta? Çfarë ka ndodhur? Prokurorët janë kthyer në një bandë hajdutësh, apo po i shërbejnë Lulzim Bashës dhe po i bëjnë qejfin Edi Ramës, i cili së fundmi nxori në një dalje publike Taulant Ballën për të larë gojën.

Pse nuk flet Kryeministri më për grupin KÇK? Apo e do Lulin e pafajshëm, e do Lulin në krye të PD-së? E do aty që të tërheq zvarrë opozitën?

Mesa duket edhe dy prokurorët paskan disa hesape dhe pazare për të bërë përderisa vazhdojnë të jenë në detyrë. Të mbushin xhepat e tyre, apo të bëjnë qokat e fundit ndaj kastës politike. Të shpëtojnë edhe Lulin nga akuza qindra mijë dollarëshe, duke e çuar për falsifikim vulash. Kot nuk dihet burimi, i disa qindra mijra dollarëve të tjera për lobim në SHBA, të cilat janë pranuar publikisht nga kreu i Republikës së Re. /CNA.al