web counter
LEXO PA REKLAMA!

SHKARKO APP

App Store
Google Play

Atentati ndaj prokurorit Ndoj, më i fundit/ Artan Hoxha numëron krimet e “harruara”

6 Nëntor 2019, 20:49, Denoncim CNA

Për gazetarin investigative të kronikës së zezë, Artan Hoxha, atentati ndaj prokurorit Arjan Ndoj, i cili ra në pritën e ngritur pranë mbikalimit të Shkozetit, është më e fundit ngjarje kriminale, por jo e para. Ajo është vazhdim i ngjarjeve të mëparëshme për të cilat Durrësi mban kampion, dhe nuk do të jetë e fundit përsa kohë autorët e këtyre krimeve të mbeten të pandëshkuar.

Kështu është shprehur Hoxha nga studioja e emisionit ?Byro? në TV ?ABC NEWS?, ku ?Rrjeta e atentatit ndaj Prokurorit?, është temë diskutimi.

Duke dashur të jetë konkret me deklarimet e tija Hoxha ka rreshtuar serinë e krimeve të renda që edhe pse kanë kaluar vite ende kanë mbetur të pazbardhura. Madje edhe pse jo pak autorë të tyre dihen.

? Vrasja e gjyqtarit Skerdilajd Ikonomi, i cili nuk pranoi të bëhej palë me kriminelët e pronave, vrasja e ish punonjësit të shërbimit sekret, Isa Copa?.Vjedhja e serverave dhe dosjeve të prokurorisë së Durrësit, rrahja barbare e avokatit Ilia Ilia kanë mbetur pa u zbardhur?, ka thenë Hoxha, duke theksuar se atentati ndaj prokurorit Ndoj është më i fundit.

? Kanë bërë sikur janë hetuar por në fakt nuk kanë vepruar. Asgjë nuk kanë zbardhur, asnjë konkluzion nuk është publikuar? Vërtetë në Durrës situata e kriminalitetit është e rendë, por kush duhet ti ndëshkojë kriminelët, populli??, ka ngritur zerin i revoltuar gazetari Hoxha./ CNA.al





Lajmet e fundit nga