E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

PD nuk njeh opozitën parlamentare/ Alibeaj: Vetëm ne mund të kundërshtojmë qeverinë

5 Nëntor 2019, 12:47, Politikë CNA

Ish-deputeti i Partisë Demokratike, Enkelejd Alibeaj i ftuar në studion e ?Ditari?, në A2 CNN, është shprehur se PD nuk e njeh opozitën brenda parlamentit.

Alibeaj theksoi se ?Ne pretendojmë të jemi opozita e vetme. Nuk besoj të ketë ndonjë forcë tjetër brenda parlamentit që të kundërshtojë qeverinë. Opozita është ajo që është testuar dhe që ka mbrapa njerëz.?.

Ish-deputeti i PD ishte i ftuar në Ditarin e orës 13:00 në A2 nga ku zhvillimet më të fundit politike dhe më konkretisht për reformën zgjedhore.

?Ka dy gjëra që një reformë mund të ecë përpara. Një është lënda se për çfarë duhet të punojmë. E dyta, si duhet të punojmë. Të dyja janë të zgjidhura. Ne po punojmë për një reformë elektorale, e cila një dokument, atë të Bundestagut. Në anën tjetër, ne kemi bërë ofertën tonë dhe ajo është e sinqertë, është efektive dhe e testuar edhe në të shkuarën, e thjeshtë për këdo. Reforma elektorale është diskutimi për pasurinë më të madhe që ka çdo qytetar, që është vota. Metodologji ka, lëndë për të cilën duhet të diskutojmë ka, e përveç kësaj ka edhe një gjë tjetër: Kushti i madh i vendosur në dokumentin e Bundestagut. Kjo nuk është thjesht dhe vetëm për faktin që ne si shqiptarë do të duhet të bëjmë një reformë elektorale, por duhet të bëjmë një reformë elektorale e cila duhet të zgjidhë krizën politike. Kjo do të thotë se vetëm në këtë mënyrë do të zgjidhim krizën; që do të thotë se hapet një spirale tjetër për anëtarësimin në BE?.

Alibeaj tha se synimi i vetëm i opozitës së bashkuar është që vota e shqiptarëve të mos vidhet. ?Ne jemi për një reformë reale edhe pse nuk jemi në tryezën e kësaj reforme. E para ne kemi platformën tonë, ku nuk kemi asnjë lloj skrupulli. Ne kemi ofruar si zgjidhje dhe është moderimi i ndërkombëtarëve. Duke qenë se ndërkombëtarët nuk janë vetëm faktorë të jashtëm, por janë pjesë e politikës shqiptare, dokumenti. Për ne është e rëndësishme që të kuptohet nga publiku shqiptar se ne nuk e bëjmë për vete reformën, por për qytetarët. Ne kemi synim si e si që vota e shqiptarëve të jetë e ndershme, e pashitshme dhe e pablerë. Nëse pala tjetër i pranon këtë propozime, atëherë zgjidhet çështja?, tha Alibeaj.