web counter
LEXO PA REKLAMA!

SHKARKO APP

App Store
Google Play

E fundit!

x

"Rama, pengues i dialogut me banorët"/ Balliu akuza kryeministrit: Nuk lejon as "të tijët" të bashkëpunojnë

4 Nëntor 2019, 16:18, Politikë CNA

“Qeveria nuk pranon të dialogojë me banorët”, kështu është shprehur edhe njëherë ish deputeti Klevis Balliu teksa komentonte protestat e banorëve të Unazës së Re.

Ish deputeti demokrat ka akuzuar kryeministrin si përgjegjësin kryesor që pengon dialogun me banorët e Astirit, teksa shprehet se ka pasur figura brenda PS që janë pro bisedimeve, por që pengohen nga Rama.

Sipas Balliut, banorët nuk janë të jashtëligjshëm sepse kanë më tepër se 25 vjet që banojnë aty dhe i paguajnë taksa bashkisë dhe qeverisë.

“Ne duhet të kalojmë një hap më shumë dhe veç  pëlqimit të mbështesim këta qytetar që po dalin në protesta për një kauzë të drejtë kundër një projekti korruptiv që i ka dalë boja deri në SHBA.

Protesta shërben edhe për t’iu kujtuar qytetarëve se këtu ka pasur korrupsion, ka korrupsion dhe duhet të protestojmë për këtë gjë.

Kjo qeveri nuk pranon të dialogoj me këta banor. Kjo është e trishtueshme që të vij nga një parti politike si PS, e cila ka resurse plotë për ta marrë një hap të tillë.

Madje unë kam informacion se ka figura në PS, ministra dhe deputet që janë pro dialogut me banorët, por që Edi Rama nuk i lejon.

Ata thonë se këta banorë janë të jashtëligjshëm dhe se duhet të largohen. Por pse janë të jashtëligjshëm? Kodi Civil e parashikon mjaft qartë se nëse jeton në një banesë mbi 10 vjetë, atëherë t’i je pronari. Prona është e tyre sepse ata kanë 25 vjetë e kusur që janë pronar të atyre banesave dhe i paguajnë taksa qeverisë dhe bashkisë për këtë gjë. Nuk janë të paligjshëm.

Shikoni kush fiton nëse humbin këta qytetar. 2-3 qeveritar të korruptuar dhe 1 bizesmen si Salillari. Por po nëse fitojnë këta qytetarë, kush fiton?”, shprehet ndër të tjetra ish-deputeti Balliu./CNA.al





Lajmet e fundit nga