E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Të vërtetat e Lulit dhe të gjitha gënjeshtrat e medias, që i quan të qeverisë

2 Nëntor 2019, 10:23, Politikë CNA

Dje gazetari Arian Çani e ironizoi publikisht kreun e PD-së, Lulzim Basha në lidhje me një vilë që ky i fundit ka marrë në Long Hill, rezidenca e Agron Papulit, një oligark dhe mik i ngushtë i Edi Ramës.

Basha, ashtu siç kishte bërë edhe zyra e shtypit e kunatit disa ditë më parë, publikisht tha se nuk kishte marrë asnjë vilë tek oligarku, por vetëm një vilë me qera.

Në fakt e vërteta është se Luli ka marrë një vilë me qera, që nuk ja ka marrë Agron Papulit, por që ështëa ndërtuar në rezidencën e biznesmenit në fjalë, dhe Luli ende nuk ka bërë kontratën e shit-blerjes. Thjeshtë jeton me qera në një vilë të ndërtuar nga Agron Papuli, të cilin rastësisht ka rreth një vit e gjysëm që nuk e zë më në gojë.

Ky arsyetim apo justifikim publik i Lulzim Bashës nuk është hera e parë që ndodh. Kështu ka ndodhur gjithmonë. Sa herë media publikon skandale ndaj tij, ai thotë se ia bën qeveria. Edhe kur ia nxjerr CNA.al, edhe kur i aka nxjerrë Syri dikur, edhe kur e nxjerr Klani, edhe kur ia nxjerrin mediat pranë qeverisë.

Pra, për çdo gjë që thuhet fajin e ka qeveria, ndërsa Luli nuk ka asnjë përgjegjësi.

Për shembull, financimet ruse me një million dollarë, për të cilat tre herë publikisht dha tre versione të ndryshme dhe hetimet e hapura në SHBA. Luli tha sërish se ishte qeveria, porn ë fakt është ky që kishte gënjyer dhe ishte një media amerikane që e kishte publikuar. Qeveria normalisht që do e përdorte kundër tij. Mediat zhurmë duan, lajme.

Më tej tek Ekim Alptekin, njeriu i lidhur me Erdogan që në Amerikë i plasi një skandal. Skandali i rrëmbimit të Fetullah Gylenit, kleriku që futi në një përplasje të ashpër presidentin Trump me Turqinë. Ekim Alptekin është miku i Lulzim Bashës, ky i fundit është kumbari i tij. Skandali është shkruar nga mediat amerikane. Sërish Basha foli dhe tha se nuk ishte e vërtetë.

U publikuan edhe foto, dhe dokumente ashtu si në rastin e financimeve ruse. Por, fajin sërish e kishte qeveria. Mediat, edhe pse ishin amerikane, ishin ?kazani?. Ashti si Rama, edhe Luli thotë të njëjtën gjë.

Le të shkojmë më tej, tek humbja e zgjedhjeve në 2017. Pasi bëri një listë deputetësh sharlatanë, me lista të shitura e kështu me radhë, fajin sërish ia kishte qeveria. Marërveshja me Edi Ramën. Kështu tha edhe atëherë. Ato që shkruan mediat se ishte skandal se ishte gabim rruga që kishte ndjekur, nuk e pranoi kurrë. Thjeshtë dhe vetëm thoshte se unë marr përgjegjësitë e mia, por se në çfarë forme, nuk e ka marrë ende.

Zhvilloi një palë zgjedhje në PD, me Eduard Selamin. Zgjedhje fallco dhe të vjedhura. Manipuloi rezultatin publikisht dhe më pas doli e tha se mediat gënjejnë dhe se fajin e kishte qeveria.

Zhvilloi zgjedhjet në degë. Të falsifikuara, me kryetar të emëruar, etj. kështu ndodhi dhe me zgjedhjen e kryesisë që u lëvizën emrat, apo me kryesitë e degëve dhe Këshillin Kombëtar.

Një piramidë zgjedhjesh me denoncime. U treguan me video dhe filmime sesi mbusheshin kutitë, por sërish fajin e ka qeveria dhe media. Ishin shpifje dhe gënjeshtra, edhe pse faktet flisnin krejt ndryshe.

Shkojmë tek shkollimi i Lulzim Bashës. Ai thoshte se kishte qënë një student i shkëlqyer. Por, doli se e kishte filluar në vitin ?93 dhe e kishte mbaruar në 2005. Pra, pas gati 12 vitesh e asnjëherë nuk e tregoi diplomën dhe diferencën e viteve.

Fajin sërish ia kishte media dhe qeveria.

Më tej, Lulit tonë i dolën edhe disa gënjeshtra të tjera. Disa tendera kur ka qënë ministër, kur ka qënë kryetar Bashkie, dështimi i tij gjatë administrimit të Tiranës, ngritja e një stafi të dështuarish që ka nga pas. Mediat publikuan skandalet, i raportuan. Por, fajin sërish e kishte qeveria.

Pra, për Lulin gjithçka thuhet në media fajin e ka qeveria se e përdor për shpifje ndaj tij. Megjithëse Luli hesht gjithmonë dhe mohon. Por, të vërtetat dalin. Ashtu siç është rasti i studimeve me paratë e Sorosit. Luli u pyet publikisht nëse kishte marrë financime nga Soros për të studiuar, por e mohoi. Pastaj doli dhe e pranoi. Tha ?nuk i mora unë, por i mori shkolla?.

Kështu tha edhe dje për vilën tek Agron Papuli. ?E ka ndërtuar Agron Papuli, por unë e kam marrë me qera tek ai që e ka blerë të Agron Papuli?.

Pra, sërish na doli historia si me fondacionin Soros.

Luli ynë sërish gënjen, gjithmonë fajin ia ka media, fajin i aka qeveria dhe të gjithë duhet të besojnë gënjeshtrën e tij të radhës, e cila është kaq e pabesueshme, sepse ai vetë shpesh thotë 1, 2 apo tre versione.

Tani le të presim versionet e tij të radhës, pasi që pallati të ketë dëmtuar dhe probleme nga tërmeti, kjo gënjeshtër mori fund dhe doli versioni i dytë, që nuk i aka blerë Agron Papulit, por e ka marrë me qera tek rezidenca e këtij të fundit. I njëjti justifikim, si me shkollimin me paratë e Sorosit.

Dy versione, tre, katër apo shtatë, Lulzim Basha do të vazhdojë të japë versionet e tij. Ai kompleksohet, por, media nuk ka pse të kompleksohet. Kushdo, qofshin media pro qeverisë, kundër saj apo kundër Bashës. E vërteta është e vërtetë. I pëlqen apo jo Luli, ajo është e tillë dhe pikë.

Dhe për sa kohë flet se ai nuk ka asnjë lidhje me oligarkët, mjafton të na sqarojë sesi ka mundësi që kunati i tij, Erion Isufi dhe kompania Landmark bëjnë rreth 2 miliardë lek xhiro në vit vetëm me shumicën e kompanive të oligarkëve. Të gjitha kompanitë koncesionare. Përfshirë këtu Spitalin Amerikan, përfshirë këtu Vilma Nushin. Çdo kompani që ka marrë koncesione te qeveria kanë paguar fatura eventesh tek kunati i Lulzim Bashës, të cilin ndoshta Luli nuk e njeh dhe rastësisht aim err para nga ata që marrin para nga Edi Rama.

Nnjë herë ai na ka thënë se ai është privat në punën e tij, por nuk n aka thënë pse drejton bashkëshortja e tij, e cila është 24 orë në krye të kësaj kompanie.

Tani le të presim dhe këtë gënjeshtrën tjetër që fajin e ka media./ CNA.al