web counter
LEXO PA REKLAMA!

SHKARKO APP

App Store
Google Play

Meta “zbërthen” mesazhet e koduara/ Kush është burimi i krizës politike

2 Nëntor 2019, 08:59, Politikë CNA

Presidenti Ilir Meta ka folur sot për përplasjet me mazhorancën, ndërsa ka komentuar edhe mesazhet drejtuar Ramës gjatë muajve të verës, në lidhje me krizën politike në vend.

Në një intervistë për gazetën MAPO, Meta tha se ?të gjitha mesazhet e Presidentit, që nga dita e parë e bërjes së betimit me dorë mbi Kushtetutë, e deri më tani, kanë qenë në shërbim të stabilitetit të vendit, përmbushjes së reformave kyçe, përparimit në procesin e integrimit të vendit në Bashkimin Europian, si edhe të dekurajimit të konflikteve artificiale dhe absurde mes palëve, si një sport kolektiv politik i politikës shqiptare ku askush nuk mban përgjegjësi për veprimet që bën.?.

Sipas tij, të gjitha mesazhet kanë pasur si qëllim të vetëm stabilizimin e jetës politike në vend dhe përmbushjen e reformave për integrimin europian të vendit, që duhet të ishin realizuar prej kohësh.

Sa i takon tensionit mes Presidencës dhe mazhorancës, Meta tha se ky tension asnjëherë nuk e ka patur burimin tek Presidenca.

Sipas tij, burimi i tensionit është dëshira e paepur të kryeministrit për të zhbërë çdo institucion demokratik në vend.

?Nuk është detyra e Presidentit të krijojë tensione, as me qeverinë, as me opozitën dhe as me një faktor tjetër, përkundrazi.

Është kryedetyra e Presidentit t?i qëndrojë me përpikmëri betimit të tij për të mbrojtur Kushtetutën dhe interesin e përgjithshëm të popullit shqiptar.

Përpjekjet e Presidentit kanë qenë gjithnjë për të mos lejuar cenimin e Kushtetutës dhe interesave të popullit shqiptar.

Presidenti gjithmonë ka ushtruar kompetencat e tij kushtetuese.?-tha ndër të tjera Ilir Meta./ CNA.al

 





Lajmet e fundit nga