web counter
LEXO PA REKLAMA!

SHKARKO APP

App Store
Google Play

E fundit!

x

”Jam kërcënuar në zyrë”/ Murrizi hedh dyshime mbi pretendimet e Rudina Hajdarit

31 Tetor 2019, 16:50, Politikë CNA

Deputetja Rudina Hajdari është marrë në mbrojtje nga Garda e Republikës pas pretendimeve se është kërcënuar me jetë nga kolegët e saj deputetë.

Lidhur mbi çështje ka folur dhe deputeti Myslim Murrizi. I fruar në Ora News, Murrizi ka hedhur dyshime mbi vërtetësinë e këtyre pretendimeve.

Murrizi e lidh gjithçka me ndonjë tension të momentit ku sipas tij mund të ketë pasur ngritje zëri apo një gjest më tepër nga ndonjë deputet.

?Nuk kam informacion por jam pak dyshues të besoj se çfarë thuhet. Unë personalisht kam qenë deputet në 1997-2001 kur kishim tre palë pushtete, një pushtet i zgjedhur me votë, komiteti i shpëtimit, bandat nëpër këmbë. Nuk besoj që ka pasur të këtij lloji.Pjesa tjetër është e këtyre institucioneve ku Hajdari mund ti jetë drejtuar me shkresë, ta hetojnë. Nuk e di pse ka ardhur ky denoncim.

Unë nuk besoj se është kaq e madhe dhe kaq dramatike. Në debate e sipër siç bëjmë të gjithë mund të ketë kaluar dikush një fjalë më tepër apo gjest më tepër. Kam bindjen se nuk ka të bëjë më kërcënime jetësore serioze, sidomos nga ata 9 deputetë që ishim dhe nga këta 5 që me dëshirën e tyre plotësuan formularin për të qenë pjesë e grupit parlamentar Demokrat.?/CNA.al





Lajmet e fundit nga