web counter
LEXO PA REKLAMA!

SHKARKO APP

App Store
Google Play

E fundit!

x

“Mbetën të traumatizuar”/ Artan Hoxha zbulon linjën ekstreme të trafikut të klandestinëve

30 Tetor 2019, 21:31, Kronika CNA

Gazetari Artan Hoxha, ka identifikuar tre kategori të trafikut të klandestinëve nga grupet shqiptare ndërsa ka treguar dhe linjën ekstreme që ndiqet.

“Sot kemi shqiptarët që shkojnë drejt Anglisë dhe Irlandës, problemi tjetër është i të huajve që trafikantët shqiptarë i trafikojnë nga vendet arabe dhe Shqipëria është një nga degëzimet që i kalon nga një vend në tjetrin. Këtu ka edhe një grup të tretë, ata që kanë shkelur rregullat e lëvizjes ‘Shengen’ dhe janë kthyer dhe duan të shkojnë sërish në vendet e BE-së.

Është një linjë që më ka lënë pa mend, i kalonte në këmbë nga Kolumbia në Panama në xhungël, më pas në Honduras dhe më pas në Meksikë dhe kur tentuam të hyjmë në Amerikë u kapën. Ai tjetri hapi një qendër interneti në Bogota dhe e vranë atje” tha Hoxha, nga tryeza e emisionit “Repolitix”të mbrëmjes së sotme.

Më tej ai ka rrëfyer dhe një histori të një viti më parë, ku disa përfaqësues britanik kishin ardhur në Shqipëri për të parë se ku shkonin paratë e shqiptarëve në Angli.

Sipas Hoxhës, ata mbetën të shokuar nga gjendja me të cilën u përballën.

?Vjet në mars mesa kujtoj këtu erdhën dy përfaqësues britanikë dhe ata kishin të dhëna për zonat nga ku shkonin shqiptarët. Më kërkuan edhe mua ti shoqëroja dhe lëvizëm në Tiranë, Lac, Mamurras, Kukës, Has, Bajram Curr, Burrel, Klos, Peshkopi. Ata erdhën të shikonin që gjithë ajo zhurmë që bëhej në Angli, ku shkonin paratë dhe mbeten të traumatizuar, pasi gjendja atje është shumë e keqe. Në Dibër në një rast një klasë me 18 nxënës, 15 kur u pyetën se cfarë do të bëheni kur të rriteni u përgjigjën duke thënë do të shkojmë në Angli. Ai niset nga këtu se do të punojë atje të kanabisi me llampa për të bërë lekët” tha Hoxha.?/CNA.al





Lajmet e fundit nga