web counter
LEXO PA REKLAMA!

SHKARKO APP

App Store
Google Play

E fundit!

x

Metës nuk i del inati/ “Se vlerëson Komisioni i Venecias sjelljen e Presidentit”

27 Tetor 2019, 11:28, Politikë CNA

Presidenti i Republikës, Ilir Meta ka komentuar sërish raportin e Komisionit të Venecias, mbi ligjshmërinë e veprimeve të tij sa i takon zhdekretimit të datës së zgjedhjeve.

Në një intervistë për televizionin ?News 24? , Meta tha se Venecia konfirmoi se ai ka respektuar Kushtetutën, ndërsa shtoi se 30 qershori ishte i paligjshëm.

?Komisioni i Venecias nuk ka thënë, shkelje e rëndë jo e jo që s?bëhet fjalë, por nuk ka thënë as shkelje e lehtë apo çdo lloj shkelje e Kushtetutës. Nuk ekziston asgjëkund termi ?violation?. Në draftin e parë, që rrodhi në shtyp nga përfaqësues të mazhorancës, ishte bërë një vlerësim që ?tejkaloi kompetencat e tij kushtetuese?, që nuk ekziston në variantin përfundimtar sepse në radhë të parë Kushtetuta jonë nuk njeh termin ?tejkalim?. Ky është një vlerësim politik, nuk është një vlerësim juridik.

Komisioni ka bërë të qartë, që qëllimi ka qenë legjitim, duke iu referuar krizës dhe ndryshimit të rrethanave nga momenti që doli dekreti për zgjedhjet, deri në momentin ku dolën dekretet që anulonin datën e zgjedhjeve dhe shpallnin një datë të re.

Kështu që duhet të jemi shumë më të qartë dhe gjithmonë Komisioni i referohet qëllimeve të Kuvendit, pra edhe nëse Kuvendi mendon në këtë mënyrë prapë nuk kemi atë rrethanë që do të justifikonte një proces të tillë. Pra, nuk është Komisioni që jep kurrsesi një vlerësim dyshues për sjelljen e Presidentit.?/CNA.al





Lajmet e fundit nga