E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

“Ministria e Jashtme e mbushur me karikatura e pseudosocialist”/ Ceka godet ashpër PS-në

26 Tetor 2019, 20:10, Politikë CNA

Ish ambasadori Neritan Ceka, teksa komentonte fjalimin e kryeministrit të ardhshëm, Albin Kurti,në Samitin e Paqes, ka bërë disa deklarata të forta në adresë të diplomacisë shqiptare.

Ceka ka kritikuar ashpër nivelin ku ka mbërritur diplomacia shqiptare sot, duke i cilësuar ata si ?karikatura dhe pseudosocialist?, të cilët nuk kanë asnjë shancë përballë ?diplomacisë së shkëlqyer serbe.?

Ish diplomati e ka gjykuar si antishqiptar dhe një teh me dy presa rolin e Serbisë në Ballkan, ndërsa shprehet se marrëdhëniet diplomatike janë tepër të vështira të ndryshojnë në pak kohë.

?Historia e Shqipërisë së madhe është e bukur, është ëndërr që kanë patur shqiptarët gjithmon, por që realizohet vetëm në brendësi të Bashkimit Europian. Kemi përballë një kundërshtar të jashtëzakonshëm, me potenciale diplomatike të shkëlqyera që është Serbia.

Unë i njoh vetë diplomatët serb, që në krahasim me këta karikaturat që ne kemi në ambasadat tona,janë si nata me ditën. Këta na prezantojnë shumë keq ne për të thënë të vërtetën. Ne nuk punojmë në këtë drejtim. E kemi bërë Ministrinë e J ashtme mbushur me pseudo socialistë. Kam respektin më të madh për kolegët e mi të dikurshëm, Arta Daden dhe brezin e shkëlqyer të diplomatëve shqiptarë. Me kushërinjë, me vjerra dhe me nëna që çohen nëpër ambasada, nuk mund të bëhet diplomaci. Kjo është një histori që vetëm në Shqipëri ndodh.

Serbia luan një rol tehu me dy presa në Ballkan që është shumë i rrezikshëm. Nga një anë është përfaqësuese besnike e politikës ruse, ka qenë gjithmon përçarja e Ballkanit, thellësisht antishqiptare gjithë kohën. Nuk ka rregulluar asgjë, sepse tehet diplomatike rregullohen një herë në 100 vjet, jo në 10 dhe 15 vjet dhe do të jetë gjithmonë një plagë e hapur në Ballkan.Të mos kemi iluzione.

Ne Shqipëri të Madhe kuptojmë një Kosovë që është pjesë e Ballkanit, jo vetëm pjesë e jona.Për mua do të ishte më mirë që Kosova të na merrte ne dhe jo ne Kosovën. Do të ishte shumë më mirë që të kishim një kryeministër në Kosovë, në Prishtinë sesa në Tiranë. Të kishim një sistem zgjedhor dhe një KQZ si ai i Kosovës, të kishim qytetarë që nuk e dorëzojnë kollaj votën, sikurse janë kosovarët. Të kishim njerëz që e duan atdheun si kosovarët dhe politikanë si të Kosovës, me të gjithë difektet e tyre?, është shprehur ish-ambasadori Neritan Ceka./CNA.al