web counter
LEXO PA REKLAMA!

SHKARKO APP

App Store
Google Play

Nëna e Kacifas bën thirrje për luftë/ Çohuni! Rrëmbeni pushkën e bombat kundër shtetit

26 Tetor 2019, 09:47, Kronika CNA

Në Bularat të Gjirokastrës, po zhvillohet sot ceremonia e një vjetorit të vdekjes së Kostandinos Kacifas.

Ndërkohë që Gjirokastra është ?blinduar? nga forca të shumta policie, në ceremoninë përkujtimore, familjarët nuk kanë lejuar median shqiptare, por vetëm atë greke.

?Na thoni pse keni vrarë djalin. Përse më vini këtu, ikni qërohuni” bërtet i afërmi në shqip.

Në ceremoninë përkujtimore veç të afërme të të ndjerit kanë mbërritur edhe konsulli grek, Kakisis.

Ndërkohë, nëna e Kacifas, para varrit të djalit të saj ka bërë thirrje të rënda kundër shqiptarëve.

Ajo thotë se vorio-epiri është Greqi, dhe se rinia duhet të ngrihen të armatosur kundër një shteti që ajo e quan diktaturë.

Duke folur në greqisht, në prani të shumë njerëzve, një numër i madh i ardhur nga Greqia pikërisht për këtë rast, ajo ka bërë thirrje për vrasje, dhunë e luftë.

“Djali im, trimi im, jemi grek, autoktonë, në këtë tokë jemi grek autoktonë, jemi ortodoksë, asnjëri nuk mund të prekë krishterimin tonë dhe kombin tonë. Jemi grekë. Tradhtarët. Përse i ndaluan njerëzit të vijnë në Kakavijë? Se janë tradhtarë. Çojuni trima, rrëmbeni tokën, jemi grekë autoktonë. Vorio-epiri është tokë greke, nuk na ndalon asgjë. Ju të gjithë të rinjtë, çohuni rrëmbeni shpatat dhe armët, mos kini frikë asgjë, se këta po na frikësojnë, këtu ka diktaturë nuk ka shtet, rrëmbeni bombat, rrëmbeni pushkët. Rroftë bashkimi.  Jam krenare për ty biri im”, thotë ajo.





Lajmet e fundit nga