web counter
LEXO PA REKLAMA!

SHKARKO APP

App Store
Google Play

Helmimi i nxënësve në Bulqizë/ Detaje të reja: Mësuesja nuk i lejoi të dilnin nga klasa, qëndruan 1 orë të intoksuar

25 Tetor 2019, 11:03, Kronika CNA

Detaje të reja dalin në dritë pas helmimit të maturantëve dje, në shkollën e Mesme ??Rifat Manjani??, në fshatin Shupenzë të Bulqizës.

Infermierja e spitalit, i cili ka në mbikqyrje gjendjen e tyre shëndetësore pas helmimit ka bërë me dije, se maturantët e intoksuar nga gazi, i kanë kërkuar mësueses të dalin jashtë por kjo e fundit nuk i ka lejuar deri kur ka parë një përkeqësim të gjendjes së tyre. Sipas saj, ata kanë qëndruar një orë brenda klasës.

“Fëmijët erdhën tre të parët këtu, kishin probleme me frymëmarrje kishin dhimbje koke, të përziera. Iu matëm tensionin. Kishin rrahje zemra të larta. I nisëm në Peshkopi. Erdhën edhe katër të tjera ato i çuam në Bulqizë. Filluam mjekimin, njëra ishte më keq. Erdhën edhe të tjera. Nëna e njërës prej tyre tha se kishte dhimbje barku edhe të vjella. Kanë ardhur këtu edhe pasi kanë shkuar tek shtëpia.

Kanë ardhur të tjerë edhe pas 9 të parëve. Fëmijët thanë se pasi ishin futur në klasë pas pushimit, ishin ndjerë keq. Mësuesja kishte qenë duke bërë mësim dhe i kanë kërkuar ta dalin jashtë por ajo nuk i kishte nxjerrë se kanë rregullat e veta. Kanë qëndruar për një orë brenda. Dikush thoshte që i dhimbte koka, dikus thoshte se i vinte për të vjellë. Derisa të dalin përgjigjet e analizave klasa do të qëndrojë e mbyllur”, deklaron infermierja për Report Tv.





Lajmet e fundit nga