Socialistët po shembin pushtetin e Rilindjes

20 Tetor 2019, 17:55, Politikë CNA

Është një fakt përtej asaj që ishte menduar, që ?kalanë e pushtetit? ta rrëzojnë njerëzit e tu, bashkëpunëtorët e tu, ata me të cilët ke luftuar për të ardhur në pushtet dh eke bashkëpunuar fortë për disa vite, apo me ata të cilët i ke mbajtur afër nga halli.

Kështu po ndodh me Rilindjen, e cila mesa duket fundin e saj nuk do të ketë nga Republika e Re e Lulëzim Bashës dhe nga kundërshtarët e saj politik, as nga opozita por nga vetë socialistët, nga ata që ka brenda saj.

Artikulimet e ditëve të fundit të Arta Dades janë mjaftë të forta kundër Edi Ramës. Ato qëndrojnë dhe tregojnë jo pak se çfarë ndodh në pushtetin e Rilindjes.

Më tej janë edhe disa qëndrime që vijnë nga bashkëpunëtorë të Lulzim Bashës sot, të cilët janë larguar dhe e kanë goditur Ramën.

Nga brenda i pari filloi Ben Blushin që rreth 3 vite më parë e goditi mjaftë ashpër, por që më pas u tërhoq, nga ana tjetër ai pasojat i la.

Ditmir Bushati duket goditës “diplomatik” me shumë pasoja.

Dëme kanë lënë disa ish-ministra të cilët nuk duken të kënaqur me Edi Ramën. Gjithashtu ka edhe të tjerë ish-socialistë, ish-bashkëpunëtorë të tij që e sollën në pushtet, që janë të tërhequr, të pakënaqur. Nga brenda të majtës gëlon.

Pa folur këtu edhe për LSI-në që është e mbushur plotë me ish-socialistë. Pavarësisht pozicionit që kanë në opozitë, shumë prej tyre kanë qenë pjesë thelbësore e Partisë Socialiste.

Po t?i mbledhësh të gjithë këta shto dhe socialistët e vërtetë të bazës të pakënaqur me qeverisjen e Edi Ramës edhe atë çfarë po ndodh kohët e fundit pas ?jo?-së për negociatat nga Bashkimi Europian, me kundërshtinë e Francës, Holandës dhe Danimarkës, Edi Rama duket vërtet në pozicion të vështirë.

Po i ndodh ajo që s?e kishte menduar. Kalanë e tij të pushtetit, po ia shembin kalanë e pushtetit nga brenda. Po ia shembin ata që e sollën në pushtet, ata që i kishte ministra, ata që i ka pasur bashkëpunëtorë dhe e kanë bërë kryetar partie. Tani ka mbetur me shumë pak socialist nga pas dhe me tufën e ?Mjaftit? dhe ?Rilindasve? me vete që vështirë se mund t?i garantojnë për shumë gjatë pushtetin./CNA.al