Dikush t’i japë pushtet Genc Pollos

20 Tetor 2019, 11:39, Politikë CNA

Një nga personazhet me të urryera të PD, nga brenda saj nga militantantët e saj, një nga simbolet e Lulzim Bashës dhe Republikës së Re, Genc Pollo.
Së fundi, ka filluar të rishfaqet në publik pas fshehjes për gati një vit, tani ka dalë në skenë në një situatë se duket që ka shpresë për zgjedhje të parakohshme apo mund të sjellë një rrëzim të qeverisë Rama.
Genc Pollo ka dalë së fundmi në media duke kërkuar të ketë ndarje të pushteteve të ketë më shumë pushtet për disa palë, pra të ketë kontroll të pushteteve. Thjeshtë dhe vetëm kërkon pushtet, asgjë më shumë sesa kaq.

Në fakt partitë politike për atë luftojnë, për të ardhur në pushtet për të qeverisur vendin e Pollo ishte nga ata që në opozitën e parë të PD, në vitin 1999 krijoi partinë e tij. Ai doli kundër PD dhe në momentin më të mirë në vitin 2001, kur demokratët morën më shumë vota se në vitin 2015 sipas statistikave zgjedhore apo më shumë se në vitin 2009 apo 2013. Pollo doli më vete duke i shkaktuar një humbje PD-së, e cila mund të kishte ardhur në 2001 në pushtet, duke nxjerrë kandidatët e tij në gjithë Shqipërinë dhe duke i shkatërruar elektoralisht demokratët me sistemin mazhoritar ku kandidatët e tij merrnin 500 apo 100 mijë vota.
Me të tilla diferenca në disa qytete, shumë deputetë mund të ishin të demokratëve mund të kishin ardhur edhe më shpejt në pushtet. Por, përtej kësaj këtë argument e sollëm si fakt për të thënë kush është në të vërtetë Genci, i cili në 2005 pasi u bë Ministër Arsimi, ka qenë një nga ministrat më skandalozë, i akuzuar për korrupsion dhe tendera.

Më pas u bë Ministër i Inovacionit, ku turpësisht u përfshi në skandalin e 20 milionë eurove për digjitalizmin e TVSH dhe u akuzua ashpër publikisht nga shumë personazshe të asaj kohe.
Pas kësaj, Pollo mbështeti Lulzim Bashën dhe ishte një nga veglat e tij në krah të kreut të demokratëve edhe në parlament. Kudo që Luli shkonte jashtë, Pollo ishte atje si një nga veglat që i duhej për ta përdorur nga afër për intriga e të tjera si këto.

Tani, kjo fytyrë e urryer brenda demokratëve, një nga sharlatanët më të paepur politik kërkon ndarje dhe kontroll të pushteteve patjetër.
Genc Pollo kërkon pushtet në tavolinë, ai është mësuesi i Lulit, i tregon se duke luftuar në tavolinë mund të marrë pushtet dhe mund t?i falet ashtu siç iu fal gjysma e qeverisë në 2017-ën pas pazarit me Ramën, i cili shkoi deri në 16 milionë eurot e një fature që i takonte vjehërrit të Lulit.

Prandaj ka ardhur koha që demokratët ta lexojnë, ta kuptojnë të vërtetën se PD nuk mund të ecë përpara me pazare dhe me fëlliqësira e kërkesa pushteti në tavolinë apo duke kërkuar ise nga Edi Rama dhe gjoba për korrupsionin e tij apo nga PPP-të e tij apo nga abuzimet e tij.

PD thjeshtë dhe vetëm duhet të kërkojë largimin e Edi Ramës dhe duhet të luftojë që të vijë në pushtet me një platformë të qartë me një alternativë të bindshme dhe me projekt të detajuar.
Në fakt përballë saj kemi diçka tjetër, Genc Pollon që kërkon ise pushteti nga Edi Rama, Pazar me Rilindjen dhe asgjë më shumë se kaq.

Le të mos harrojmë, ishte Luli i Republikës së Re që 6 muaj më parë, tha që s? do ketë qeveri me Edi Ramën, tha që qeveria ka rënë, tha që s? do ketë pazare me të, kërkoi qeveri tranzitore e shumë e shumë të tjera si këto.
Ndërsa sot kërkon thjesht Reformë Zgjedhore dhe nga ana tjetër nxjerr Pollon për të kërkuar thelën e pushtetit në tavolinë.
Dikush, mundësisht t?i japë diçka Gencit dhe ta kënaqë ashtu siç e kënaqen Lulin në 2017-ën./CNA.al