web counter
LEXO PA REKLAMA!

SHKARKO APP

App Store
Google Play

Ngjarja në Kavajë/ Zbulohet e shkuara e errët e Bledar Toçit

20 Tetor 2019, 15:05, Kronika CNA

Janë zbardhur detaje të reja për Bledar Toçi, shefi i sigurisë së paraburgimit të Durrësit, i cili vrau me armën e shërbimit,  Dritan Haxhollin në banesën e Marsida Qatjas në Kavajë.

Toçi mësohet se ka qenë një person me probleme disiplinore edhe në kohën që ka mbajtur disa poste të tjera.

Para se të merrte detyrën si shef i sigurisë të paraburgimit të Durrësit, Toçi ka punuar për 7 vite me radhë  në Gardën Republikës, por është pezulluar nga detyra pas disa masave disiplinore.

Toçi ka punuar gjithashtu edhe në Presidencë, në kohën kur ky institucion drejtohej nga Bujar Nishani, por për shkak të shkeljeve në punë, SHKB kishte kërkuar largimin e tij nga trupë shërbimi në Presidencë, duke u emëruar në një post më të ulët.

Mësohet se edhe nga DSIK, 31 vjeçari është konsideruar si një person i papërshtatshëm për të qëndruar në detyrë, për shkak të lidhjeve të dyshimta që ai ka mbajtur me persona të inkriminuar.

Kujtojmë që Gjykata e Kavajës caktoi për të masën e sigurisë ?Arrest me burg? i akuzuar për vrasje me dashje dhe prodhim e shitje të lëndës narkotike.

Aktualisht Toçi ndodhet në spitalin e burgut, ku do të qëndrojë i shtruar deri në përmirësimin e plotë./CNA.al

 





Lajmet e fundit nga