web counter
LEXO PA REKLAMA!

SHKARKO APP

App Store
Google Play

Telefonata që “ngriti në këmbë”policinë/ Ja kush e kërcënoi gjyqtarin e Korçës

15 Tetor 2019, 17:56, Kronika CNA

Është zbardhur autori i telefonatës kërcënuese në adresë të gjyqtarit në Korçë, Markelian Kuqo.

Sipas burimeve të policisë, pas telefonatës fshihej Neim Behari, 34-vjeçari i cili vuan dënimin në burgun e Drenovës  për vrasje.

Gjatë kryerjes së veprimeve hetimore rezultoi se Neim Behari, kishte telefonuar Policinë nga ambientet e IEVP-së, duke pretenduar se në mjetin e gjyqtarit Kuqo, ishte vendosur lendë e dyshuar plasëse, e cila nuk u konstatua gjatë kontrollit të ushtruar.

Njoftimi i plotë

Korçë

Identifikohet dhe procedohet, autori i telefonatës së rreme të kryer sot tek organet e rendit, sipas të cilës, në mjetin e një gjyqtari ishte vendosur lëndë plasëse.

Specialistët e Seksionit për Hetimin e Krimeve, në Komisariatin e Policisë Korçë, në vijim të punës për zbardhjen dhe dokumentimin e ngjarjes së ndodhur më datë 15.10.2019, referuan materialet shtesë pranë Prokurorisë të Rrethit Gjyqësor Korçë, në ngarkim të shtetasit:

N.B, 34 vjeç, banues në Lapardha, Berat (i cili aktualisht vuan dënimin në IEVP-Drenovë, për veprën penale “Vrasja”).

Gjatë kryerjes së veprimeve hetimore rezultoi se ky shtetas, kishte telefonuar Policinë nga ambjentet e IEVP-së, duke pretenduar se në mjetin e gjyqtarit M.K, ishte vendosur lendë e dyshuar plasëse, e cila nuk u konstatua gjatë kontrollit të ushtruar.

Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.





Lajmet e fundit nga