web counter
LEXO PA REKLAMA!

SHKARKO APP

E fundit!

x

Kujtim Gjuzi paralajmëron Bashën/ Nuk do jesh kurrë në pushtet, ja çfarë ndodhi me Rudina Hajdarin

15 Tetor 2019, 11:23, Politikë CNA

Deputeti i opozitës parlamentare, Kujtim Gjuzi ka reaguar në lidhje me zhvillimet e fundit politike në vend, pasi në media thuhet se deputetja Rudina Hajdari është shkarkuar nga detyra si kryetare e grupit parlamentar demokrat.

Në një deklaratë për mediat, Gjuzi tha se opozita e rrugës, sikurse e cilëson ai opozitën jashtë parlamentit, po tenton të pengojë opozitën në parlament.

Sipas tij lajmi i raportuar sipas të cilit Rudina Hajdari nuk është më kryetare e grupit parlamentar demokrat, është ë diversion i politikës së vjetër.

?Opozita e rrugës, kërkon që të mbajë peng opozitën parlamentare. Ju thoni opozita e re, por  jo, opozita është aty me nënkryetar parlamenti Myslim Murrizin. Ne kemi qënë shumë seriozë dhe na bëhet diversion nga PS dhe opozita e rrugës.

Në media thuhet se Rudina Hajdari nuk është kryetare e grupit parlamentar. Ky është diversion i segmenteve të krimit politik që për 30 vite përçajnë të djathtën.

Rudina Hajdari është shqiptaro- amerikane, e studiuar në Amerikë është e bija e liderit të demokracisë dhe një politikane  e re. Mjaft më me pallavra politike?-tha Gjuzi.

Më tej, ai bëri edhe një paralajmërim të fortë për Bashën, ndërsa u shpreh ?Ndal politikanëve të vjetër , atyre që kanë gjakosur bulevardet e Shqipërisë. Mjaft me inskenime dhe makincacione, nuk do të jeni kurrë pjesë e pushtetit?./ CNA.al





Lajmet e fundit nga