E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Meta dhe Basha gënjejnë për Parlamentin/ Si po e keqpërdorin Kushtetutën

14 Tetor 2019, 10:28, Politikë CNA

Qeveria dhe opozita kanë një përplasje të fortë pas largimit të kësaj të fundit dhe djegies së mandateve.

Lulzim Basha dhe Ilir Meta, dy drejtuesit kryesorë të opozitës, pretendojnë se parlamenti është ilegjitim, pasi ka vetëm 83 mandate, ndërsa Kushtetuta e njeh me 140.

Në fakt, duke mos dashur të bëhemi konstitucionalistë, le të lexojmë faktet dhe detajet. Atë që thotë vetë Kushtetuta. Atë që pretendon Ilir Meta, se parlamenti duhet të ketë 140 deputetë.

Parlamenti kishte 140 deputetë, kur në shtator 2017 bëri betimin. Aty ishte Mona, ishte dhe Luli. Por, pas dy vitesh, Luli u ?çmend? dhe braktisi parlamentin dhe atje qëndruan 83 apo 84 deputetë, siç pretendon Meta. Ndërsa të tjerët, sipas tij janë ilegjitim.

Në fakt, nga 140 në 83 deputetë, ata që u larguan kush i dëboi? I largoi Rama apo shkuan vetë dhe dogjën mandatet?

Se kjo është çmenduria më e madhe politike që ka ndodhur në historinë e Shqipërisë dhe këtë Meta e pohon dhe e pranon në çdo takim konfidencial me gazetarë dhe miq të tij politikanë, që Basha ka bërë gabimin më fatal me djegien e mandateve. Një akt i paprecedentë politik. I turpshëm dhe që do të lërë pasoja gjatë për opozitën.

Kjo është ajo që thotë Ilir Meta, përtej argumentit që së bashku me Bashën pretendojnë se parlamenti ka vetëm 83 deputetë legjitimë.

Por, a nuk është Kushtetuta jonë, e cila thotë se presidenti i Republikës mund të zgjidhet në raundin e katërt apo të pestë me 71 mandate deputetësh?

Pra, ky parlament, me 83 mandate të njohura dhe të pranuara nga Meta dhe nga Basha, a nuk mund ta zgjedhë sërish një president të ri?

Së dyti, ky parlament me 83 mandate, aq sa pretendon Ilir Meta dhe Lulzim Basha, a mund ta zgjedhë një qeveri të re, me 71 vota, ashtu sikundër është e shkruar dhe në Kushtetutë?

Ilir Meta këtë gjë e di mjaft mirë, pavarësisht se Kushtetutën e kanë bërë si letër higjenike, pikërisht Ilir Meta apo edhe vetë Lulzim Basha. Të dy me pretendimet e tyre. Presidenti me shtyrjen e datës së zgjedhjeve, e cila nuk ekziston në Kushtetutë. E tha në mënyrë të qartë Komisioni i Venecias. Presidenti nuk ka kompetencë për shtyrjen e datës së zgjedhjeve. Ka kompetencë vetëm për shpalljen e datës së zgjedhjeve. Gjeti mungesën e një hapësire ligjore presidenti dhe ndërhyri, duke përdorur Kushtetutën si letër higjenike dhe sot pretendon se nuk ka bërë asnjë shkelje.

Ndërsa parlamentit i thotë ilegjitim, pasi Kushtetuta kërkon 140 deputetë, ndërkohë që 83 i pranon. Ndërkohë që mund të zgjedhë qeverinë dhe presidentin, ai i pranon se është e drejtë. Por nuk njeh deputetët e tjerë të opozitës. Nuk njeh deputetët e listës, të cilën e ka firmosur vetë Ilir Meta dhe vetë Lulzim Basha.

Deputetët që kanë hyrë në parlament nuk i ka vënë në lista Edi Rama dhe këtë e dinë të gjithë. Pavarësisht se Luli dhe Mona do të donin t?i shikonin si xhandar të tyre, t?i shikonin si ushtarë të një garnizoni politik, ku mund t?i tërhiqnin zvarrë për të hyrë dhe për të dalë, atëherë kur do Luli dhe Mona.

Por, ka edhe njerëz që kanë një lloj integriteti. Ndoshta disa atje mund të mos kenë integritetin e duhur. Me disa mund të tallen, disa mund të jenë të pavlerë dhe të korruptuar apo pazarxhi me Edi Ramën. Edhe këta ekzistojnë. Nuk ka asnjë diskutim.

Por, çfarë janë në finale?

Janë pjesë e listave të firmosura nga Meta dhe Basha. Prandaj gjithçka bën Luli dhe Likja, duke na thënë se parlamenti ka marrë fund, se Kushtetuta është shkelur, etj etj, bëjnë mirë të na thonë, pse i mbushën listat me budallenj?

Së dyti të na tregojnë pse i dogjën mandatet e deputetëve?

Së treti, të na tregojnë pse ndërtuan skenarët me shtyrjen e datës së zgjedhjeve?

Dhe në fund të na thonë çfarë i tremb dhe nga se kanë frikë, që janë gati të bëjnë gjithçka, madje të djegin dhe Shqipërinë, për të siguruar karriget e tyre.

Pa folur më tej për faktin se atë që e përmendin çdo ditë, që e quajnë Kushtetutë dhe ligj themeltar të shtetit e kanë kthyer në letrën e tyre higjenike dhe shqiptarët i gënjejnë publikisht bashkë me Edi Ramën duke na treguar pallavra me histori numra mandatesh, shtyrje date zgjedhjesh, PPP-të e kryeministrit, e kështu me radhë.

Të tre janë njësoj. Nuk kanë asnjë ndryshim. Për më tepër, këta të dy që përfaqësojnë opozitën janë fatkeqësi edhe më e madhe, sepse përtej argumentave të mësipërm janë shpresa e dytë e vrarë për shqiptarët./ CNA.al