E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Basha sulmon Carlo Bolinon dhe televizionin e Vjollca Hoxhës

13 Tetor 2019, 20:14, Politikë CNA

Kryedemokrati Lulzim Basha gjatë fjalës nga protesta e banorëve të ?Unazës së Re?, ka sulmuar televizionin e Carlo Bolinos dhe Vjollca Hoxhës.

Teksa është pyetur nga gazetarët se përse shkeli ligjin duke bllokuar rrugën i ndjekur më pas edhe nga banorët e tjerë, kryedemokrati iu përgjigj se nuk ka kod penal që të ndalojë protestën ndërsa nuk i kurseu akuzat ndaj Report Tv, duke e konsideruar si një televizion që paguhet me paratë që u vidhen qytetarëve.

“Televizionit qeveritar që paguhet me paratë që u vidhen Shqiptarëve, Report Tv dua t?i them që shërbimet që i bën hajdutit Edi Rama i merr të paguara 10-fish. Report TV paguhet me paratë që u vidhet këtyre qytetarëve. E drejta e protestës është më e shenjtë, se e drejta e Edi Ramës për të vjedhur me Carlo Bollinon. Nuk ka kod penal që të ndalojë protestën”, tha Basha.

Basha e vijoi sulmin edhe ndaj televizionit tjetër kombëtar Top Channel.

“Por, përtej kësaj, të jeni fare të qartë, ju dhe çdo media qeveritare siç është edhe Top Channel, që hierarkia e vlerave, normave dhe parimeve në një vend nuk mund të ndalojë të drejtën e protestës. E drejta e protestës është e shenjtë. Banorët e kanë njoftuar në mënyrë zyrtare policinë dhe do të vazhdojnë protestën në mbrojtje të së drejtës së tyre më të shenjtë, mbrojtjen e së drejtës së tyre për banesën”, tha Basha nga ‘Astiri’.

Sipas kryetarit të PD-së parlamenti nuk është legjitim dhe për rrjedhojë ai nuk i njeh ndryshimet e Kodit Penal që kanë ashpërsuar nenin që ndëshkon bllokimin e rrugëve.

“Nuk ka asnjë kod të ri penal. Parlamenti nuk i ka votat për një kod penal. Asnjë vendim që merret nga ky parlament ilegjitim, nuk ka legjitimitet. Ky është qëndrimi i opozitës. Natyrisht, po të kishim një Gjykatë Kushtetuese do ta kishte hedhur poshtë çdo ndryshim të bërë nga një cung-parlament, nga një parlament me 82 deputetë, sepse të tjerët janë marioneta të paligjshme dhe anti-kushtetuese”, theksoi Basha./CNA.al