E fundit!

07:23 Aktualitet

Kërcënoi pronarët në Tropojë/ Rama degjeneron ish-zv.ministrin socialist: E bënte rrumbullak gjumin në zyrë

Kryeministri Edi Rama ka nxjerrë mesazhet e ish-zëvendësmi...

Lulzim Basha, si vëllai siamez i Edi Ramës

14 Tetor 2019, 07:21, Politikë CNA

Kreu i Republikës së re, Lulzim Basha, dje më në fund u shfaq në Unazën e re, pas 48 orësh reprazalje nga policia dhe pasi i la banorët që të mbushnin plotë burgjet e Policisë së Shtetit.

Luli tha se , Shqipëria nuk mund të integrohej me një mashtrues që qeveris. Me një njeri që mashtronte çdo ditë shqiptarët.

Po, Lulzim Basha ka të drejtë. Edi Rama ka gënjyer dhe ka mashtruar. Ai tha se do të ulte taksat por nuk i ka ulur. Tha se do të ulte çmimin e energjisë, por e ka rritur atë. Ai tha se do të shtoheshin vendet e punës, por në fakt janë pakësuar dhe gati 200 mijë deri në 300 mijë shqiptarë janë larguar nga vendi.

Edi Rama tha se do të ketë rend dhe siguri, por edhe ajo duket e pakët. Edi Rama tha se do të ketë reforma dhe zhvillimi, por edhe kjo duket se mungon. Vërtetë Edi Rama ka gënjyer dhe duhet larguar një orë e më parë.

Por, çfarë ka bërë Lulzim Basha?!

Lulzim Basha na tha se dje në 13 tetor në Shqipëri do të kishte zgjedhje lokale dhe zgjedhje të parakohshme parlamentare së bashku, pasi parlamenti i dalë nga zgjedhjet e 2017-ës, ishte ilegjitim. Në fakt kjo nuk ndodhi.

Na tha se në 30 qershor nuk do të kishte zgjedhje lokale. Por, përplasje dhe përballje në çdo cep të Shqipërisë, ku do të fitonin shqiptarët për të vendosur dinjitetin e tyre dhe demokracinë në vend. Por, edhe kjo nuk ndodhi.

Zhvilloi 12 apo 13 protesta nga muaji shkurt kur dogji mandatet e deputetëve dhe në çdo protestë na tha se Edi Rama kishte rënë, se ishin orët e fundit, se Edi Rama nuk ishtë më kryeministër, ndërkohë ai vazhdon të jetë në detyrë.

Na tha se po punonte ai vetë personalisht për Shqipërinë, për rrugën e integrimit europian. Por, kjo nuk ndodhi, pasi çdo ditë punoi kundër saj.

Pa shkuar më tej në dhjetorin e vitit të kaluar kur tha se nuk i digjte mandatet e deputetëve se nuk e linin amerikanët dhe gjermanët, e pastaj shkoi në shkurt dhe i dogji.

Na tha se do të mbështeste studentët në protestën e tyre, por shkoi dhe i përçau.

Tha se në zgjedhjet e 2017-ës nuk kishte një marrëveshje me Edi Ramën, por marrëveshja ishte dhe detajet e saj u zbardhën më vonë.

Pra, çfarë ka bërë Lulzim Basha? Asgjë ndryshe nga Edi Rama.

Luli është ?vëllai siamez? i Edi Ramës. Ndoshta Edi ka vëlla biologjik Olsin, kurse ?vëlla? politik ka Lulin. Nuk ndryshojnë nga njëri-tjetri. Janë të dy po aq mashtrues./ CNA.al