web counter
LEXO PA REKLAMA!

SHKARKO APP

App Store
Google Play

Fati i negociatave/ Mblidhen nesër ministrat e BE-së

14 Tetor 2019, 15:59, Politikë CNA

Ministrat e Jashtëm të vendeve anëtare të Bashkimit Evropian do të mblidhen nesër në Luksemburg për të përgatitur draftin me konkluzionet kryesore në axhendë.

Drafti do u kalohet më pas liderëve të vendeve të BE-së në samitin e 17-18 Tetorit ku do të vuloset edhe fati i Shqipërisë dhe Maqedonisë për hapjen ose jo të negociatat.

Në krye të axhendës mësohet se do të jetë  procesi i zgjerimit me dy vendet e Ballkanit, Shqipërinë dhe Maqedoninë.

Sa i përket Shqipërisë, në agjendën e takimit të nesërm thuhet: ?Këshilli nënvizoi nevojën kritike që vendi të konsolidojë më tej përparimin e bërë në reformën gjyqësore në veçanti përmes vetting-ut, dhe të japë rezultate të mëtejshme të prekshme në luftën kundër korrupsionit në të gjitha nivelet dhe në luftën kundër krimit të organizuar, në veçanërisht në kultivimin dhe trafikimin e drogës. Kjo përfshinte, ndër të tjera, avancimin e mëtutjeshëm të procesit të rivlerësimit të gjyqtarëve dhe prokurorëve, duke përfunduar krijimin e strukturave të pavarura gjyqësore dhe organeve të specializuara si Struktura Speciale Kundër Korrupsionit dhe Krimit të Organizuar (SPAK), dhe forcimin e hetimeve proaktive, ndjekje penale dhe dënime përfundimtare në luftën kundër korrupsionit dhe krimit të organizuar, përfshirë nivelet e larta. Këshilli gjithashtu theksoi rëndësinë e rezultateve të mëtejshme të reformës, veçanërisht në sundimin e ligjit, reformën zgjedhore dhe zvogëlimin e numrit të kërkesave për azil.?/CNA.al

 





Lajmet e fundit nga