E fundit!

09:42 Aktualitet

Masat për sezonin veror/ Lamallari: Siguri më e lartë në destinacionet turistike

U prezantuan sot masat e marra nga Policia e Shtetit për g...

Aksidentohet Izet Haxhia/ Përfundon në spital

11 Tetor 2019, 09:29, Kronika CNA

Avokati i Izet Haxhisë, Idajet Beqiri deklaron se makina që po e transportonte nga burgu për të dëshmuar në prokurori është aksidentuar.

Avokati, pretendon se aksidenti është e qëllimshëm, pasi sipas tij duan ta eliminojnë fizikisht.

?Jeta e tij dhe i njerëzve të afërt të tij rrezikohet në mënyrë dramatike. Tentohet eliminimi fizik i tij.?-shkruan Idajet Beqiri.

Avokati deklaron se makina që transportonte drejt prokurorisë është përplasur dhe për pasojë, Izet Haxhiaj ka pësuar fraktura në kokë, ka patur të vjella dhe është çuar me urgjencë në Spital.

Idajet Beqiri hedh akuza të forta në drejtim të ish-kryeministrit Sali Berisha, duke e lidhur aksidentin pikërisht me deklarimet që klienti i tij ka bërë ndaj ish-kreut të PD-së.

?Për katër ditët që Izet Haxhia ka dhënë deklarimet e tij në Prokurorinë e Krimeve të Rënda, pas kallëzimit penal të bërë prej tij kundër Sali Berishës në muajin dhjetor 2018, bota e krimit është aktivizuar me një egërsi të paimagjinueshme, sidomos në rrjetet sociale, kundër Izet Haxhisë, njerëzve më të afërt të tij si dhe mbrojtësve ligjor të tij. Strukturat e shtetit, institucionet përkatëse ligjzbatuese, megjithëse i shohin këto reagime, shantazhime, kanosje serioze për vrasje etj, nuk i marrin në mbrojtje, për t’u siguruar jetën, së paku Izet Haxhisë, këtij dëshmitari okular që me prova dhe me fakte të pakontestueshme po denoncon krimet më të rënda që janë kryer prej ish presidentit të Republikës së Shqipërisë Sali Berisha në vitet 1991-1999, duke i sjell vendit dhe familjeve shqiptare plagë të rënda dhe tragjike.

Në kushtet e mësipërme mbrojtësi ligjor i ka rekomanduar Izet Haxhiaj ndërprerjen e menjëhershme të deklarimeve të tij para Prokurorisë së Krimeve të Rënda kundër Sali Berishës, derisa të marrim garancitë e plota nga institucionet ligjzbatuese të shtetit shqiptar për jetën e tij dhe të njerëzve të afërt të tij” shkruan avokati i tij Idajet Beqiri.