web counter
LEXO PA REKLAMA!

SHKARKO APP

App Store
Google Play

E fundit!

x

Hetimit Tatimor në mediat e pabindura/ Berisha shpërthen ndaj kryeministrit Rama

3 Tetor 2019, 20:07, Aktualitet CNA

Gjatë një interviste në studion e lajmeve të TV “Ora” ish kryeministri Sali Berisha e ka akuzuar kryeministrin Edi Rama se po hakmerret politikisht ndaj disa mediave të vlerësuar prej tij si të pakompromentueshme dhe të pabindura ndaj urdhërave të tij.

Për të mbështetur akuzën Berisha i është referuar kontrollit të sotëm, që grupet e Hetimit Tatimor kanë bërë ndaj disa mediave “rebele”, ndaj të cilave kanë ndërmarrë masën ekstreme të gjobitjes.

Ish kryeministri ka patur në fokus të ligjëratës së tij portalin dhe TV “Syri.net”, ndërkohë që ka përmendur dhe Agjencinë e lajmeve CNA.al-city news albania, në redaksinë e të cilës Hetimi Tatimor zbarkoi pasditen e sotme

Ndërkohë që intervistuesja e pyeti ish kryeministrin nëse ka gisht Kryeministri në  mësymjen e hetimit Tatimor tek syri.net, Berisha është përgjigjur:

“Absolutisht vetëm ai. Nuk e bënte dot kurrë atë inkursion banditesk në një televizion që ka dy muaj që ka filluar dhe bëri gjithçka që ta bllokonte me AMA. Tani dërgon nipin e Gaz Demit i cili zbaton verbërisht urdhrat dhe është një delinkuent në jetën e tij, prandaj gjen mercenarë si ai për ti dërguar në një studio televizve dhe ushtruar terror.

Jo vetëm ndaj tij. Më thoshte një portal tjetër, CNA, të njëjtën gjë i kanë bërë. Kanë një psikozë familjare këta. Është problem i madh. Kur e shoqja fton gazetarët dhe thotë po ma helmoni burrin me ato shkrime, ky është fundi i fundit. Gazetarët nuk janë më toksikët në shkrimet e tyre.

Ata vuajnë shpirtërisht shumë nga ato që shkruhen kundra tyre. Këta familjarisht i janë vërsulur mediave. Po bën çdo gjë që çdo media që nuk i nënshtrohet të shkatërrohet”, ka shpërthyer ish kryeministri Berisha./CNA.al

Hetimi Tatimor rikthehet në zyrat e CNA.al

Hetimi Tatimor zbarkon në media/ CNA.al kalon me sukses kontrollin





Lajmet e fundit nga