web counter
LEXO PA REKLAMA!

SHKARKO APP

App Store
Google Play

E fundit!

x

Përdhunimi i 12 vjeçares tek "Zyber Hallulli"/ Shpërthen  Qendra për Mbrojtjen e Fëmijëve

2 Tetor 2019, 17:31, Denoncim CNA

Rasti i dhunës seksuale dhe bullizmit ndaj një vajze 12 vjeçare që frekuentonte Shtëpinë e Fëmijëve “Zyber Hallulli”, i publikuar nga emisioni investigativ “Fisk Fare” dy ditë më parë, është pritur me indonjatë nga Qendra për Mbrojtjen e të Drejtave të Fëmijëve (CRCA- Albania).

Nëpërmjet një deklarate  mediatike me një gjuhë të ashpër,  kjo Qendër  shpreh shqetësimin ndërsa i kërkon qeverisë marrjen e masës ekstreme të mbylljes së të gjitha institucioneve rezidenciale të përherëshme për fëmijët jetim. Në vend të tyre CRCA propozon “hapjen e qendrave ditore të punës sociale dhe komunitare, të bashkë administruara me organizatat e shoqërisë civile, dhe të financuara nga fondi social i buxhetit të shtetit “.    Po ashtu kjo Qendër i kërkon Parlamentit të iniciojë urgjentisht ngritjen e një Komisioni Hetimor për të evidentuar të gjitha rastet e dhunës dhe shfrytëzimit seksual të ndodhur në këto institucione dhe ndërhyrjen ligjore në Kodin e Familjes etj.

” Deklaratat e vajzës 12 vjeçare dhe shqetësimi i nënës së saj, intervistat e drejtuesve dhe punonjësve të këtij institucioni, prej dy ditësh shfaqen në ekran, duke na treguar jo vetëm dhunën që përsëritet e ushtrohet në të tilla rezidenca, por edhe mungesën e rregullave, standarteve dhe politikave për mbrojtjen e fëmijëve nga dhuna, diskriminimi, neglizhenca dhe shfrytëzimi”, deklaron CRCA në deklaratën për mediat, duke theksuar se:

“Nuk është hera e parë që shtëpitë e fëmijëve, si qendra rezidenciale të përhershme të kujdesit për fëmijët jetimë dhe ata të braktisur nga prindërit biologjikë në Shqipëri, vendosen në qendër të akuzave dhe raportimeve për përdorim të dhunës fizike dhe seksuale ndaj fëmijëve…”./CNA.al





Lajmet e fundit nga