web counter
LEXO PA REKLAMA!

SHKARKO APP

App Store
Google Play

“Mendova se do flisnit për tërmetin e Çim Pekës”/ Murrizi akuza të forta qeverisë

30 Shtator 2019, 18:24, Politikë CNA

Teksa dëgjoi deputetët e mazhorancës që folën për tërmetin nga foltorja e Kuvendit, deputeti Myslim Murrizi ironizoi duke thënë se mendoi që ata do të flisnin për tërmetin e Çim Pekës.
Murrizi akuzoi qeverinë se po bën pazare në kurriz të popullit. Ai shtoi se maxhoranca duhet të shikojë punët, sepse shumë gjëra po i bën gabim, duke akuzuar qeverinë se bashkëpunon me oligarkët.
?Shumica e maxhorancës kanë folur për tërmetin. Ra ky mort e u pamë. Lëreni propagandën, por merruni me punët e juaja. Isha në Ballsh.
Janë 1000 familje që ushqehen nga rafineria në Ballsh. Ua ka premtuar Rama, Ruçi se do ua zgjidhë ngërçin mes tyre dhe një kompanie të huaj. Në fakt, janë sekserët ata që ia ngushtojnë fytin Ramës. Pasuria e shqiptarëve nuk është e askujt, por e shqiptarëve. Maxhoranca bën politika të pista me sekserë në Kryeministri.
Ju ua keni lënë lakun në fyt punëtorëve dhe kësaj kompanie nuk ia merrni taksat. Tallet me pasurinë e shqiptarëve. Paguan tatim, nuk paguan te arka e shtetit shqiptar. Shikoni këto familje e punëtorë, se jo vetëm që nuk do ua japin votën, por as kanë për t?ju parë me sy. Unë mendova se do flisni për tërmetin e Çim Pekës apo të Damianit, por ju u morët me tërmetin e Zotit. Sot bëhen pazare në kurriz të popullit. Ju punoni me oligarkët?, tha Murrizi./CNA.al





Lajmet e fundit nga