E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Policia e Tiranës “tund” prangat/ Arrestohen 4 persona

29 Shtator 2019, 09:21, Kronika CNA

Policia e Tiranës ka arrestuar 4 persona për vepra të ndryshme penale.

Nga Komisariati i Policisë Nr.2 u bë arrestimi në flagrancë i shtetasit:

– E. M., 36 vjeç, banues në Tiranë. Ky shtetas në rrugën ?Ibrahim Dervishi? është kapur në flagrancë nga shërbimet e policisë të Komisariatit Nr.2, duke kryer punime pa leje në lokalin në pronësi të tij. Në përfundim të veprimeve të para hetimore u bë arrestimi në flagrancë i këtij shtetasi për veprën penale ?Ndërtim pa leje?.

Nga shërbimet e ?Forcës së Posaçme Shqiponja? në bashkëpunim me Komisariatin e Policisë Nr.2, u bë arrestimi në flagrancë i shtetasit:

– K. Gj., 27 vjeç, banues në Rrëshen, Mirditë. Ky shtetas po qarkullonte me mjet dhe është ndaluar në rrugën ?Muhamet Gjollesha? për kontroll nga shërbimet e policisë të ?Forcës Shqiponja?. Nga verifikimet e kryera ka rezultuar se ky shtetas ka thyer masën e sigurisë ?Arrest shtëpie? duke dalë nga banesa. Në përfundim të veprimeve të para hetimore u bë arrestimi në flagrancë i këtij shtetasi për veprën penale ?Largimi i të burgosurit nga vendi i qëndrimit?.

Nga Seksioni për Hetimin e Narkotikëve në bashkëpunim me Seksionin e Frocës së Posaçme Operacionale dhe shërbimet e ?Forcës së Posaçme Shqiponja?, u bë arrestimi në flagrancë i shtetasit:

– J. Ç., 31 vjeç, banues në Tiranë. Gjatë kontrollit fizik të ushtruar këtij shtetasi iu gjetë në çantën e krahut 1.4 gramë lëndë e dyshuar narkotike e llojit kokainë. Në përfundim të veprimeve të para hetimore u bë arrestimi në flagrancë i këtij shtetasi për veprën penale ?Prodhim dhe shitje lëndësh narkotike?.

Nga shërbimet e Policisë të Komisariatit Nr.4, u bë arrestimi i shtetasit:

– G. H., 41 vjeç, banues në Tiranë. Ky shtetas në rrugën ?Muhamet Deliu? në banesë ka ushtruar dhunë fizike ndaj bashkëshortes. Në përfundim të veprimeve të para hetimore u bë arrestimi i këtij shtetasi për veprën penale ?Dhunë në familje?.

Materialet iu referuan për veprime të mëtejshme Prokurorisë së Rrethit Gjyqësor Tiranë.