web counter
LEXO PA REKLAMA!

SHKARKO APP

App Store
Google Play

Skandali me tenderat/ Drejt shkarkimit Drejtoresha e rrugëve

17 Shtator 2019, 10:54, Politikë CNA

Skandali me tenderin Kardhiq- Delvinë dhe disa tendera të tjerë të fituara, nga vetëm një subjekt me vlera më ta larta, pritet që të sjellë largimin nga detyra të Sonila Qatos, e cila prej disa muajsh mban detyrën e drejtoreshës të Autoriteti Rrugor Shqiptar.

Burime zyrtare i thanë CNA.al se përplasja e drejtoreshës me disa subjekte, tendera ku fituesi është me vlerën më të lartë, si dhe disa lidhje të saj me subjekte të caktuara fitues, kanë bërë që Sonila Qato tashmë të konsiderohet e larguar nga detyra.

Janë të paktën 3 tendera ku lidhjet e Qatos janë me aksionerë të subjektit, tha një burim qeveritar për CNA.al. I njëti burim theksoi se pritet që Qatos, ti komunikohet shkarkimi pas një vlerësimi që po bëhet nga Ministrja Balluku e cila do firmosë edhe emërimin e drejtorit të ri të ARRSH.

Qato,  u emërua në krye të ARRSH, në muajin janar, të këtij viti dhe nuk mundi dot të mbyllte 9-muaj në detyrën e saj. Ajo nuk pati asnjë rezultat në punën e saj, së fundi u përfshi në skandalin e rrugës Kardhiq ? Delvinë ku shpalli fitues një kompani me vlerën më të lartë, kjo ka sjellë më pas edhe disa përplasje me KPP, ku tenderi është rikthyer.

Ditët e fundit drejtoresha dhe njërëz afër saj janë përfshirë në një tjetër skandal, atë të publikimit të disa raporteve në media, por sot një subjekt ndërtues ka bërë kallzim penal në Prokurorinë e Krimeve të Rënda ndaj Sonila Qatos, e cila pritet të lirohet nga detyra që mban./CNA.al





Lajmet e fundit nga