web counter
LEXO PA REKLAMA!

SHKARKO APP

App Store
Google Play

E fundit!

x

Darka e Bashës më aleatët/ Mediu zbulon se çfarë u diskutua

17 Shtator 2019, 15:48, Politikë CNA

Kryetari i Partisë Republikane, Fatmir Mediu ka zbuluar se çfarë u diskutua mbrëmjen e djeshme gjatë takimit me kreun e PD-së Lulzim Basha dhe aleatët, në Ishëm të Durrësit.

Sipas Mediut ky ishte një takim formal dhe joinformal, pasi erdhi si rrjedhojë e takimit që u organizua gjatë ditës në selinë blu.

?Është një takim sa formal dhe informal. Erdhi si rrjedhojë e takimit që u organizua tek Partia Demokratike. Ku u diskutuan dy çështje ideja për të patur një platformë të plotë për Shqipërinë Europiane dhe ideja e një organizimi më të qensishëm dhe koordinimi të veprimtarisë opozitare. Ne diskutuam pikërisht për këto dy çështje. Për të vijuar me Reformën Zgjedhore, për të luftën kundër krimit. Jemi përballë vendimit për hapjen e negociatave. Për të gjitha këto pati një frymë pozitve për të ecur në një rrugë të përbashkët.?- u shpreh Mediu..

Ndërkohë që i pyetur për zërat që qarkullojnë se ka një marrëveshje me Rama-Basha, kreu i PR-së deklaroi se hëpërhë nuk ka një marrëveshje, por theksoi rëndësinë e dialogut ndërmjet palëve.

?Kjo është një lojë e Edi Ramës, përpiqet që ta dërgojë vëmendjen diku tjetër. Nuk ka një marrëveshje hëpërhë me Ramën dhe Basha e ka bërë të qartë. Mendoj se ka nevojë për dialog, duke abstraguar nga emrat e individit. Ky është fokusi i diskutimit opozitar. ?- u shpreh Mediu gjatë një interviste për Fax News./CNA.al





Lajmet e fundit nga